Nuwe Verbond.indd - Aramaic Peshitta Bible Repository

Luka
43 Onmiddellik het hy gesien en Hom gevolg, terwyl hy God loof; en almal wat dit
gesien het, het God geloof, geëer en aanbid.
19 1 Toe Yeshua Yerigo ingegaan het en besig was om deur te loop,
2 het ‘n sekere man met die naam van Zakkai, ‘n ryk man en hoof van die
belastinggaarders,
3 begeer om te sien wie Yeshua was, maar as gevolg van die mense kon hy nie, want
Zakkai was kort.
4 Hy het vooruit gehardloop en in ‘n wildevyeboom geklim sodat hy Yeshua kon sien,
want Hy sou daar verbygaan.
5 Toe Hy op daardie plek kom, sien Yeshua hom en sê vir hom: “Zakkai, maak gou en
klim af, want Ek moet vandag in jou huis bly.”
6 Hy het haastig afgeklim en Hom ontvang terwyl hy hom verheug
7 en almal wat dit gesien het, het gemurmureer en gesê: “Hy het by ‘n sondige man
ingegaan en gebly.”
8 Zakkai het opgestaan en vir Yesua gesê: “My Meester, let op! Die helfte van my
besittings gee ek vir die armes en aan elkeen van wie ek iets gevat het, gee ek dit
vierdubbel terug.”
126
Eks 21:37; 2 Sh’ 12:6
9 Yeshua sê vir hom: “Vandag het die lewe na hierdie huis gekom, omdat hierdie man
ook ‘n seun van Abraham is,
10 want die Seun van die mens het gekom om te soek en te red Yeg 34:16 wat verlore is.”
11 Terwyl hulle na hierdie dinge luister, het Hy ook ‘n vergelykende storie bygesit,
omdat Hy Yerushalayim genader het en hulle verwag het dat die Koninkryk van
God op die punt was om openbaar te word.
12 Hy het gesê: “’n Man van hoë stand het na ‘n ver land gereis om ‘n koningskap te
ontvang en dan terug te kom
13 en hy roep tien van sy slawe, gee vir hulle tien manim en sê vir hulle: ‘Dryf handel
totdat ek kom.’
14 Die mense van sy stad het hom egter gehaat en afgevaardigdes agter hom aangestuur
om te sê: ‘Ons wil nie hê dat hierdie man koning oor ons moet wees nie.’
15 Toe hy terugkom, nadat hy die koningskap ontvang het, sê hy dat daardie slawe
aan wie hy die geld gegee het, na hom toe moes kom sodat hy kon weet watter wins
elkeen deur handel verdien het.
16 Die eerste het nader gekom en gesê: ‘My meester, u maneh het tien manim wins
gemaak.’
17 Hy sê vir hom: ‘Uitstekend, goeie slaaf. Omdat jy in die kleinste ding betroubaar
was, ontvang jy outoriteit oor tien stede.’
18 Die tweede kom en sê: ‘My meester, u maneh het vyf manim bygevoeg.’
19 Hy sê ook vir hierdie een: ‘Jy sal heerser wees oor vyf stede.’
20 ‘n Ander een kom en sê: ‘My meester, let op! U maneh wat ek gehad het, het ek in
fyn linne bewaar,
21 want ek was bang vir u, omdat u ‘n strawwe man is. U vat wat u nie gegee het nie;
en oes wat u nie gesaai het nie.’