Nuwe Verbond.indd - Aramaic Peshitta Bible Repository

2 Korinthiërs
4 Ek het groot vrymoedigheid teenoor julle. My roem oor julle is groot. Ek is ten volle
vertroos en versterk en ek loop oor van blydskap te midde van al my lyding.
5 Vandat ons ook na Makedonia gekom het, was daar geen rus vir ons vlees nie, maar
is ons in alles gemartel; van buite ‘n stryd, van binne vrees,
6 maar God wat die vernederde versterk en vertroos, het ons versterk en vertroos deur
die koms van Titos;
7 en nie alleen deur sy koms nie, maar ook deur die lafenis waarmee hy deur julle
ondersteun is, want hy het aan ons vertel van julle liefde vir ons, julle treur oor en
julle ywer namens ons. Toe ek dit hoor was my blydskap groot.
8 Alhoewel ek julle deur ‘n brief treurig gemaak het, is ek nie jammer nie, al was ek
ook vroeër jammer, want ek het gesien dat daardie brief, al was dit vir ‘n kort tydjie,
julle treurig gemaak het.
9 Nou is ek bly, nie omdat julle treurig gemaak is nie, maar omdat julle treurig gemaak
is tot die punt van terugdraai na God toe, want julle was treurig soos God dit wou,
sodat julle deur ons geen skade gely het nie,
10 want treurigheid wat van God is bring jammerwees van die gees en werk ‘n
onberoubare terugdraai na lewe, maar die jammer van die wêreld, werk die dood,
11 want let op! Hierdie ding het gebeur dat julle treurig gemaak is deur God, hoeveel
te meer het ek gretigheid, verskoning, woede, vrees, liefde, ywer en vergelding in
julle veroorsaak. In alles het julle bewys dat julle in die saak rein is.
12 Daarom, het ek ook hierdie aan julle geskryf, nie ter wille van wat verkeerd is nie,
of ter wille van hom wat verkeerd gedoen het nie, maar dat julle toewyding aan ons
geken kan word in die Teenwoordigheid van God.
13 As gevolg hiervan is ons versterk en vertroos en vanuit ons vertroosting verbly ons
ons al hoe meer in die vreugde van Titos, wie se gees deur julle almal verkwik is,
14 want as ek oor julle by hom oor iets geroem het, is ek nie skaam gemaak nie, maar soos
ons alles in waarheid vir julle gesê het, so is ook ons roem by Titos in waarheid gevind
15 en sy innerlike omgee vermeerder as hy julle almal se gehoorsaamheid onthou, hoe
julle hom met respekvolle vrees ontvang het.
16 Ek verbly my dat ek in alles in julle kan vertrou.
8 1 Ons maak aan julle bekend, broers, die onverdiende guns van God wat aan die
gemeentes van Makedonia gegee is,
2 dat, onder baie toetse van stryd, hulle oorvloedig was in blydskap en dat, die diepte
van hulle armoede, oorvloedig gemaak is in die rykdom van hulle vrygewigheid,
3 want hulle was na vermoë, ek getuig dit, bo vermoë, uit hulleself gewillig.
4 Hulle het ons met groot erns gesmeek dat ons hulle geskenk en hulle deel in die
bediening aan die afgesonderdes, moet ontvang;
5 en het nie slegs gedoen soos ons verwag het nie, maar het hulleself eers aan ons
Meester geoffer, en aan ons deur die wil van God,
6 waardeur ons Titos versoek het dat hy, net soos hy reeds begin het, net so ook by
julle hierdie geskenk moet voltooi,
7 maar soos julle in alles oorvloedig is: in vertroue, in die boodskap, in kennis, in alle
erns en in julle liefde vir ons; laat julle ook in hierdie geskenk oorvloedig wees.
283