Nuwe Verbond.indd - Aramaic Peshitta Bible Repository

Yoganan
16 Sommige van die Fariseërs sê: “Hierdie man kom nie van God nie, omdat Hy die
Shabbat nie hou nie;” ander sê: “Hoe kan ‘n sondige mens sulke wondertekens
doen?” Daar was verdeeldheid onder hulle.
17 Hulle het weer met die blinde man gepraat: “Wat sê jy van Hom, wat jou oë
oopgemaak het?” Hy antwoord: “Ek sê Hy is ‘n profeet.”
18 Die Jode het nie geglo dat hy blind was en siende geword het nie, totdat hulle die
ouers, van hom wat kon sien, geroep het.
19 Hulle vra vir hulle: “As dit julle seun is, van wie julle gesê het dat hy blind gebore
is, hoe sien hy dan nou?”
20 Sy ouers antwoord en sê: “Ons weet dat hy ons seun is en dat hy blind gebore is,
21 maar hoe hy nou sien, weet ons nie; of wie sy oë oopgemaak het, weet ons nie. Hy
is self volwasse, vra hom; hy sal vir homself praat.”
22 Dit het sy ouers gesê, omdat hulle bang was vir die Jode, want die Jode het reeds
ooreengekom dat as iemand Hom as Die Gesalfde Een bely, hy uit die sinagoge
geban sou word.
23 Daarom het sy ouers gesê: “Hy is volwasse, vra hom.”
24 Hulle roep toe die man wat blind was vir die tweede keer en sê vir hom: “Gee aan
God die eer, lof en aanbidding,
159
Y’ho 7:19 want ons weet dat hierdie Man ‘n sondaar is.”
25 Hy antwoord en sê vir hulle: “Of Hy ‘n sondaar is, weet ek nie, maar een ding weet
ek: ek was blind en let op, nou sien ek.”
26 Weer vra hulle vir hom: “Wat het Hy vir jou gedoen? Hoe het Hy jou oë
oopgemaak?”
27 Hy antwoord hulle: “Ek het julle vertel en julle het nie geluister nie. Waarom wil
julle dit weer hoor? Wil julle ook Sy studentevolgelinge word?”
28 Hulle het hom beledig en vir hom gesê: “Jy is Sy studentevolgeling; ons is
studentevolgelinge van Moshe.
29 Ons weet dat God met Moshe gepraat het, maar ons weet nie van waar Hy is nie.”
30 Die man antwoord en sê: “Hierin is dit vreemd dat julle nie weet van waar Hy is
nie en Hy het my oë oopgemaak.
31 Ons weet dat God nie na die stem van ‘n sondaar luister nie, maar Hy luister na
iemand wat God respekvol vrees, aanbid en Sy wil doen.
32 Van ewigheid af is daar nog nooit gehoor dat iemand die oë van ‘n blindgebore
mens oopgemaak het nie.
33 As Hy nie van God was nie, sou Hy dit nie kon doen nie.”
34 Hulle antwoord en sê vir hom: “Jy is volledig in sonde gebore en leer j‎‎ý
ons?”
Hulle het hom uitgegooi.
35 Yeshua het gehoor dat hulle hom uitgegooi het en toe Hy hom kry, vra Hy vir hom:
“Vertrou jy in die Seun van God?”
36 Hy wat genees is antwoord en sê: “Wie is Hy, my Meester, dat ek in Hom kan
vertrou?”
37 Yeshua sê vir hom: “Jy het Hom gesien en Hy wat met jou praat, dit is Hy.”
38 Hy sê: “Ek vertrou, my Meester,” en hy het voor Hom neergeval in aanbidding.
39 Yeshua sê: “Dit is om hierdie wêreld te oordeel dat Ek gekom het sodat die wat nie
sien nie, mag sien; en die wat sien, blind mag wees.”