Nuwe Verbond.indd - Aramaic Peshitta Bible Repository

Yoganan
42 Daar het hulle Yeshua toe neergelê omdat die Shabbat nader gekom het en omdat
die graf naby was.
20 1 Op die eerste dag van die week kom Miryam van Migdala vroeg in die oggend,
terwyl dit nog donker was, by die graf en sien dat die steen van die graf verwyder
is.
2 Sy hardloop en kom by Shim’on Kefa en by díe ander studentevolgeling vir wie
Yeshua lief was en sê vir hulle: “Hulle het ons Meester uit die graf uit weggevat en
ek weet nie waar hulle Hom neergelê het nie.”
3 Kefa en die ander studentevolgeling gaan uit en kom by die graf.
4 Die twee het saam gehardloop, maar die ander studentevolgeling het voor Shim’on
gehardloop en eerste by die graf gekom
5 en hy het gekyk en die linnedoeke sien lê, maar hy het nie ingegaan nie.
6 Shim’on Kefa het n‎á hom aangekom en in die graf ingegaan en die linnedoeke
gesien waar dit lê
7 en die handdoek, wat oor Sy kop was, sien hy nie by die linnedoeke lê nie, maar
opgerol op ‘n plek eenkant.
8 Toe het ook die ander studentevolgeling, wat eerste by die graf gekom het, ingegaan
en hy het gesien en vertrou.
9 Die studentevolgelinge het weer huis toe gegaan,
10 want hulle het nog nie vanuit die Skrifte verstaan dat Hy uit die dood uit moes
Ps 16:10; Yes 53:9-12
opstaan nie,
11 maar Miryam het by die graf gestaan, hardop gehuil en al huilende, ingekyk in die
graf in
12 en twee engele daar gesien sit met wit klere aan, een by die kussing en een by die
voete waar die liggaam van Yeshua gelê het,
13 en hulle vra vir haar: “Vrou, waarom huil jy?” Sy antwoord hulle: “Omdat hulle my
Meester weggevat het en ek weet nie waar hulle Hom neergelê het nie.”
14 Toe sy dit gesê het, draai sy om agtertoe en sien Yeshua staan en sy het nie geweet
dat dit Yeshua was nie.
15 Yeshua vra vir haar: “Vrou, waarom huil jy? Wie soek jy?” Sy het gedink dat dit
die tuinier was en antwoord hom: “Meneer, as u Hom weggevat het, sê vir my waar
u Hom neergesit het en ek sal Hom wegvat.”
16 Yeshua sê vir haar: “Miryam!” Sy draai om en sê vir Hom: “Rabbuli!” (in Aramees)
wat beteken ‘my Leermeester.’
17 Yeshua sê vir haar: “Moenie My vashou nie, want Ek het nog nie opgegaan om by
My Vader te wees nie, maar gaan na My broers toe en sê vir hulle: ‘Ek gaan op na
My Vader en julle Vader; en My God en julle God’.”
18 Miryam van Migdala het aan die studentevolgelinge gaan vertel dat sy die Meester
gesien het en dat Hy dit vir haar gesê het.
19 Toe dit aand was op daardie eerste dag van die week en die deure, waar die
studentevolgelinge gebly het uit vrees vir die Jode, gesluit was, het Yeshua
gekom, tussen hulle gestaan en vir hulle gesê: “Vrede, gesondheid, voorspoed en
vergenoegdheid vir julle!”
178