Nuwe Verbond.indd - Aramaic Peshitta Bible Repository

Romeine
20 want toe julle slawe geword het van die sonde, het julle vry geraak van die
onpartydigheid en opregtheid.
21 Watter vrug het julle toe gehad, waaroor julle jul nou skaam, want die uiteinde
daarvan is die dood?
22 Nou, omdat julle vrygemaak is van die sonde en slawe geword het van God, is julle
vrug afgesonderdheid, want die uiteinde daarvan is die ewige lewe.
23 Die eindproduk van die sonde is die dood, maar die geskenk van God is die ewige
lewe, in ons Meester, Yeshua, Die Gesalfde Een.
7 1 Asof julle nie weet nie, my broers, want ek praat met díé wat die geskrewe wet
verstaan, dat die geskrewe wet outoriteit het oor die mens so lank as wat hy lewe.
2 Net soos die getroude vrou in die geskrewe wet aan haar meester gebonde bly solank
hy leef, maar as die man dood is, is sy losgemaak van die geskrewe wet van haar
man.
3 As sy weggaan vir ‘n ander man terwyl haar meester leef, sal sy vir hom ‘n egbreekster
wees, maar as haar meester sou sterf, is sy vry van die geskrewe wet, sodat sy nie ‘n
egbreekster is as sy ‘n ander man s’n word nie.
4 Nou, my broers, is julle ook dood vir die geskrewe wet, deur die liggaam van Die
Gesalfde Een, om aan ‘n ander te mag behoort, naamlik aan Hom wat uit die dood
uit opgestaan het sodat julle vir God vrugte kan dra,
5 want toe ons in die ou natuur was, het die siektes van die sonde wat deur die geskrewe
wet kom, ywerig in ons lede gewerk om vir die dood vrugte te dra,
6 maar nou is ons vrygespreek van dié geskrewe wet en het ons dit wat ons beheer
afgesterf sodat ons van nou af slawe is van wat nuut is uit die Gees en nie van die
oue wat uit die geskrewe letter is nie.
7 Wat sal ons daarom sê? Is die geskrewe wet sonde? ‘n Verwerplike gedagte! Ek sou
nie weet wat is sonde anders as deur die wet nie, want ek sou ook nie begeerte geken
Eks 20:14, Deut 5:18
het as die wet nie gesê het: “Jy mag nie begeer nie.”
8 Die sonde het die geleentheid aangegryp deur die voorskrifte en in my allerhande
begeertes gewerk, want sonder die wet was die sonde dood.
9 Aan die begin was ek lewend sonder die geskrewe wet, maar toe die opdragte kom,
het die sonde gelewe en ek het gesterf
10 en die opdragte tot lewe, was vir my tot die dood,
11 want die sonde het die geleentheid aangegryp deur my te mislei deur die opdragte
en my daardeur gedood.
12 Daarom is die geskrewe wet afgesonderd en die opdragte is afgesonderd, regverdig
en goed.
13 Was die goeie daarom vir my tot die dood? ‘n Verwerplike gedagte! Dit was sodat
sonde deur die goeie, vervolmaak deur die dood, in my as sonde openbaar kon word
sodat sonde des te meer veroordeel kon word deur die opdragte,
14 want ons weet dat die geskrewe wet vanuit die gees is, maar ek is vanuit die vlees,
verkoop aan die sonde,
15 want wat ek doen, verstaan ek nie en dit is ook nie enige iets wat ek gekies het nie,
maar dit wat ek gehaat het, dit het ek gedoen.
241