Nuwe Verbond.indd - Aramaic Peshitta Bible Repository

1 1 Sha’ul, ‘n afgevaardigde van Yeshua, Die Gesalfde Een, deur die wil van God; en
die broer, Timotheos, aan die gemeente van God wat in Korinthos is en aan al die
afgesonderdes wat in die hele Agaia is:
2 Onverdiende guns vir julle en vrede, gesondheid, voorspoed en vergenoegdheid van
God-ons-Vader en ons Meester, Yeshua, Die Gesalfde Een.
3 Aanbiddingswaardig is God-die-Vader, ons Meester, Yeshua, Die Gesalfde Een, die
Vader van omgee en die God van alle ondersteuning en vertroosting,
2 Korinthiërs
Ps 94:19
4 wat ons ondersteun en troos in al ons beproewing sodat ons die wat in enige
beproewing is, kan ondersteun en troos deur die ondersteuning en vertroosting
waarmee ons self deur God ondersteun en getroos word.
5 Net soos die lyding van Die Gesalfde Een oorvloedig in ons is, so is ons ondersteuning
en troos ook oorvloedig deur Die Gesalfde Een,
6 maar as ons ook ly, is dit ter wille van julle ondersteuning, troos en redding dat ons
ly; en as ons ook ondersteun en getroos word, is dit vir julle tot ondersteuning, troos
en redding, deurdat julle dieselfde lyding verduur wat ons ook ondergaan.
7 Ons versekerde verwagting vir julle is vas, want ons weet, dat as julle deelgenote is
aan die lyding, net so ook aan die ondersteuning en troos.
8 Ons wil dat julle weet, broers, aangaande die beproewing wat in Asië oor ons gekom
het; dat ons grootliks beproef was, vêr bo ons kragte sodat ons lewe op die punt was
om te vergaan.
9 Aangaande onsself, het ons die oordeel van die dood ervaar sodat ons nie op onsself
sou vertrou nie, maar op God, wat die dooies opwek;
10 Hy, wat ons gered het van ‘n geweldadige dood, op wie ons hoop, dat Hy ons ook
voortdurend sal red,
11 deur die hulp van julle gebede vir ons persoonlik; dat Sy geskenk vir ons tot guns,
ter wille van baie, sal wees; en baie Hom mag bely, as gevolg van ons,
12 want ons roem is dit: Die getuienis van ons gewete: Dat ons in vrygewigheid,
reinheid en die onverdiende guns van God aangewend is, veral teenoor julle en
hulle by julle en in die wêreld, nie in vleeslike wysheid nie.
13 Ons het aan julle niks anders geskryf as wat julle weet en mee saamstem nie, maar
ek vertrou dat julle tot die end sal saamstem.
14 Net soos julle ook, met ‘n bietjie van baie, saamgestem het, dat ons julle roem is,
net soos julle ook ons roem is in die dag van ons Meester, Yeshua, Die Gesalfde
Een.
15 In hierdie vertroue wou ek eerste na julle toe kom sodat julle twee keer onverdiende
guns kan ontvang;
16 dat ek by julle verby, deurgaan na Makedonia, om weer vanaf Makedonia by julle
aan te kom en julle saam met my na Y’hudah gaan.
17 Het ek dit haastig beplan toe ek dit beplan het? Of wat ek beplan, beplan ek na die
vlees sodat daarin ‘n ja ja, en nee nee, (onsekerheid) is?
18 God is vertrouenswaardig, dat ons boodskap vir julle nie ja en nee was nie,
19 want die Seun van God, Yeshua, Die Gesalfde Een, wat deur ons aan julle verkondig
is, deur my, Sila en Timotheos, was nie ja en nee nie, maar was ja in Hom,
277