Nuwe Verbond.indd - Aramaic Peshitta Bible Repository

9 Pilatos antwoord en sê: “Wil julle hê dat ek vir julle die Koning van die Jode moet
vrylaat?”
10 Want Pilatus het geweet dat die hoofpriesters Hom uit afguns oorgelewer het,
11 maar die hoofpriesters het die skare al hoe meer aangehits dat hy eerder Bar-Abba
vir hulle moes vrylaat.
12 Pilatos sê vir hulle: “Wat wil julle dan hê moet ek doen met Hom wat julle ‘Koning
van die Jode’ noem?”
13 Weereens skree hulle: “Kruisig Hom!”
14 Pilatos sê vir hulle: “Watter kwaad het Hy gedoen?” Hulle skree toe nog harder:
“Kruisig Hom!”
15 Omdat Pilatos die skare wou tevrede stel, het hy Bar-Abba vir hulle losgelaat en
nadat hy Yeshua laat gésel het, het hy Hom oorgegee om gekruisig te word.
16 Die soldate lei Hom weg na die binneplaas van die hoofkwartier en hulle roep die
hele leërafdeling bymekaar,
17 trek vir Hom ‘n pers kleed aan en vleg en sit vir Hom ‘n kroon van dorings op.
18 Hulle begin Hom salueer met “Wees gegroet, Koning van die Jode!”
19 Hulle het Hom met ‘n riet op die kop geslaan en op Hom gespoeg en op die knieë
geval en Hom ‘aanbid’.
20 Nadat hulle Hom gespot het, trek hulle die pers kleed uit en trek vir Hom sy eie
klere aan en hulle lei Hom weg om Hom te kruisig
21 en hulle het ‘n sekere Shim’on van Kurene, wat van die veld af gekom het, die
vader van Aleksandros en Roufos, gedwing om Sy kruis te dra.
22 Hulle het Hom gebring op die plek Gulgolta, wat vertaal word as: Die kopbeen.
23 Hulle gee vir Hom wyn gemeng met mirre om te drink, maar Hy het dit nie gedrink
nie.
24 Toe hulle Hom gekruisig het, het hulle Sy klere verdeel deur die lot te werp oor
wat elkeen moes kry.
25 Dit was die derde uur (nege-uur die oggend) toe hulle Hom gekruisig het
26 en op die inskripsie met die rede vir Sy dood is geskryf:
‘DIE KONING VAN DIE JODE.’
27 Saam met Hom het hulle ook twee rowers gekruisig, een aan Sy regterkant en een
aan sy linkerkant
28 en die Skrif is vervul wat sê: ‘En Hy is by die wetteloses gereken.’
Yes 53:12
Markos
29 Die verbygangers het kwaadgepraat van Hom, terwyl hulle hul kop skud en sê: “O!
Vernietiger van die tempel en die een wat dit in drie dae opbou,
30 red Uself en kom van die kruis af!”
31 Net so het die hoofpriesters ook onder mekaar en met die leraars van die wet gespot
en vir mekaar gesê: “Ander het Hy gered, Homself kan Hy nie red nie.
32 Gesalfde Een, Koning van Yisra’el, kom nou van die kruis af sodat ons kan sien en
ons sal vertrou!” Ook die wat saam met Hom gekruisig is, het Hom beledig.
33 Toe die sesde uur (12 uur middag) aanbreek, kom daar duisternis oor die hele aarde
tot die negende uur (3 uur die middag) toe
83