Nuwe Verbond.indd - Aramaic Peshitta Bible Repository

Handelinge
27 want die inwoners van Yerushalayim en hulle leiers het Hom nie herken nie en ook
nie die skrifte van die profete wat elke Shabbat gelees word nie, maar hulle het Hom
veroordeel en dit wat geskryf is vervul.
28 Alhoewel hulle niks gekry het wat die dood verdien nie, het hulle van Pilatos gevra
dat Hy doodgemaak moes word.
29 Toe hulle alles vervul het wat oor Hom geskrywe is, het hulle Hom van die kruishout
afgehaal
205
Deut 21:23 en in ‘n graf gesit,
30 maar God het Hom uit die graf uit laat opstaan
31 en gedurende baie dae het Hy verskyn aan die wat saam met Hom opgegaan het
van die Galil na Yerushalayim en hulle is nou Sy getuies by die mense.
32 Ons bring ook vir julle die goeie boodskap, dat die belofte wat aan ons vaders
gedoen is,
33 let op, deur God aan ons, hulle kinders, vervul is, deur Yeshua te laat opstaan,
soos daar ook in die tweede psalm geskrywe is: ‘U is My Seun, vandag het Ek U
Ps 2:7
voortgebring.’
34 So het God Hom laat opstaan uit die graf sodat Hy nie meer tot verderwing sou
terugkeer nie; soos dit sê: ‘Ek sal aan julle gee die onverdiende guns van die getroue
Yes 55:3
Dawid.’
35 Weer sê Hy op ‘n ander plek: Ps 16:10 ‘U sal U Reine nie gee om verderwing te sien
nie,’
36 want nadat Dawid sy eie geslag volgens die raad van God gedien het, is hy dood en
is hy by sy vaders weggelê en het verderwing gesien,
37 maar Hy wat deur God opgewek is, het geen verderwing gesien nie.
38 Daarom moet julle weet, broers, dat deur hierdie Man, die bevryding van sondes
aan julle verkondig word
39 en dat elkeen wat vertrou, deur Hom onskuldig verklaar word van alles waarvan
julle deur die wet van Moshe nie onskuldig verklaar kon word nie.
40 Wees dan versigtig dat dit wat die profete gesê het nie oor julle kom nie:
41 Hav 1:5 ‘Let op, julle bespotters en wees verwonderd en word vernietig, want Ek gaan
iets in julle tyd doen, iets wat julle sekerlik nie sal glo as iemand julle dit vertel
nie’.”
42 Toe hulle van hulle af weggaan, het hulle van ander nasies hul gevra dat hulle op
‘n ander Shabbat met hulle hierdie woorde sou praat.
43 Toe die sinagoge uit was, het baie van die Jode en vreemdelinge, wat aanbidders
van God was, saam met Sha’ul en Bar-Nabba gegaan. Dié het met hulle gepraat en
hulle oortuig om in die onverdiende guns van God te bly.
44 Die volgende Shabbat het die hele stad saamgekom om die boodskap van God te
hoor,
45 maar toe die Jode die skare mense sien, is hulle met woede vervul en het met bose
woorde weerspreek wat deur Sha’ul gesê is.
46 Sha’ul en Bar-Nabba het reguit, openlik, gepraat en gesê: “Dit was noodsaaklik
dat die boodskap van God eerste aan julle verkondig moes word, maar julle het dit
verwerp en teen julleself besluit dat julle nie die ewige lewe werd is nie. Let op! Ons
draai na die ander nasies toe,