Nuwe Verbond.indd - Aramaic Peshitta Bible Repository

Openbaring
18 Skryf vir die boodskapper wat in die gemeente in Thuateira is: “Dít sê die Seun van
God; Hy wat oë het soos vlamme van vuur en voete soos brons van Libanon:
19 Ek ken jou dade, jou liefde, jou vertroue, jou dienswerk, jou volharding en dat jou
dade nou meer is as aan die begin,
20 maar Ek het baie teen jou: Want jy laat jou vrou, Izevel, wat van haarself sê dat sy
‘n profetes is, toe om my slawe te leer en hulle te mislei om seksueel immoreel te
wees en om offers aan afgode te eet
21 en Ek het haar tyd gegee om te erken en weg te draai na God toe en sy het gekies
om nie van haar seksuele immoraliteit af weg te draai nie.
22 Let op! Ek gooi haar in ‘n kis en dié wat met haar hoerery pleeg, in groot lyding,
as hulle nie hulle dade erken en wegdraai na God toe nie
23 en haar kinders sal Ek doodmaak in die dood en al die gemeentes sal weet dat dit
Ek is wat die niere, verstand, wil en emosie deursoek en Ek sal aan elkeen van julle
gee volgens sy dade.
24 Ek sê vir julle ander wat in Thuateira is, almal wat nie hierdie leer vashou en nie
‘die dieptes van die Satan ken,’ soos hulle dit noem, nie: Ek sal geen ander las op
julle lê nie.
25 Hou daarom net vas, totdat Ek kom
26 en aan hom wat volhard totdat die oorwinning behaal is en My dade doen, sal Ek
outoriteit gee oor die nasies,
27 om vir hulle ‘n herder te wees met ‘n ysterstaf. Soos erdegoed sal jy hulle stukkend
slaan, Ps 2:8-9 want net so het Ek ook van my Vader ontvang
28 en Ek sal vir hom die môrester gee.
29 Hy wat ‘n oor het, laat hom hoor wat die Gees aan die gemeentes sê.”
3 1 Skryf vir die boodskapper wat in die gemeente in Sardeis is: “Dít sê Hy wat die
sewe Geeste van God en sewe sterre het: Ek ken jou dade, dat jy ‘n naam het dat jy
leef en dat jy dood is.
2 Wees waaksaam en versterk die wat oorbly, wat op die punt staan om dood te gaan,
want Ek het jou dade onvolmaak voor God gevind.
3 Onthou hoe jy ontvang en gehoor het en doen dit en keer terug. As jy dan nie wakker
word nie, sal Ek op jou afkom soos ‘n dief en jy sal nie weet in watter uur Ek op
jou sal afkom nie,
4 maar daar is vir My ‘n paar name in Sardeis wat nie hulle klere bevuil het nie en
hulle loop voor My in wit klere en hulle is waardig.
5 Hy wat op hierdie manier volhard totdat die oorwinning behaal is, sal aangetrek
word met wit klere en Ek sal nie sy naam uitvee uit die boekrol van die lewe nie en
Ek sal sy naam bely voor my Vader en voor Sy engele.
6 Wie ookal ‘n oor het, laat hom hoor wat die Gees aan die gemeentes sê.”
7 Skryf aan die boodskapper van die gemeente in Filadelfeia: “Dít sê HaKadosh (die
Afgesonderde Een), die Waarheid; Hy wat die sleutel van Dawid het; Die Een wat
oopmaak en daar is niemand wat sluit nie en sluit en daar is niemand wat oopmaak
Yes 22:22
nie.
399