Nuwe Verbond.indd - Aramaic Peshitta Bible Repository

2 Korinthiërs
8 want al sou ek ook nog meer roem oor outoriteit wat ons Meester my gegee het, sal ek
my nie skaam nie, want dit is vir ons gegee om julle op te bou en nie te vernietig nie.
9 Ek vermy dit egter, anders sou dit lyk asof ek julle deur my briewe wil bang maak,
10 want daar is mense wat sê: “Die briewe is gewigtig en kragtig, maar die koms in
die vlees is kragteloos en die boodskap verwerplik.”
11 Laat hom wat so praat daaraan dink dat ons dieselfde wat ons sê deur die briewe in
ons afwesigheid, dieselfde ook in dade doen as ons aanwesig is,
12 want ons waag nie om onsself te tel by, of te vergelyk met, sommige van die wat
hulleself aanbeveel nie, maar die wat hulle met hulself vergelyk, is nie wys nie,
13 maar ons sal nie oormatig roem nie, maar volgens die maat van die standaard wat
God vir ons gegee het wat tot by julle kom,
14 want dit is nie asof ons nie by julle uitgekom het nie, want ons het onsself uitgerek
om by julle aan te kom met die goeie boodskap van Die Gesalfde Een.
15 Ons roem nie buite ons mate in die werk van ander nie, maar ons het ‘n aktiewe
verwagting dat, wanneer julle vertroue toeneem, ons tussen julle verhoog sal word
en ons verder sal gaan,
16 om ook die goeie boodskap te verkondig in plekke verder as julle, nie om in die
mate van ander nie, maar in wat ons gewen het, te roem.
17 Hy wat roem, moet in roem,
286
Yir 9:23
18 want hy wat homself aanbeveel, is nie aanvaarbaar nie, maar hy wat deur
aanbeveel word.
11 1 Ek wens julle wil my net ‘n kort rukkie verdra, terwyl ek in dwaasheid praat!
Verdra my tog maar,
2 want ek is jaloers oor julle met God se jaloesie, want ek het julle afgegee om te trou
met Een Man; om julle as ‘n rein maagd aan Die Gesalfde Een voor te stel,
3 maar ek is bang dat, net soos die slang Havah, Gen 3:1-7 deur sy listigheid mislei het,
julle denke net so korrup gemaak is, weg van die eenvoudigheid wat by Die Gesalfde
Een is,
4 want as iemand kom en ‘n ander Yeshua verkondig as wat ons verkondig het, of as
julle ‘n ander gees ontvang as wat julle ontvang het, of ‘n ander goeie boodskap as
wat julle ontvang het, kan julle maklik oortuig word,
5 want ek dink nie ek het in enige iets tekort gekom teenoor dié ‘afgevaardigdes’ wat
vooruitgaan nie,
6 want selfs al is ek ook eenvoudig in my spraak, nie in my kennis nie, is dit in alles
aan julle openbaar.
7 Of het ek teen julle verkeerd gedoen deur my te verneder sodat julle verhoog kan
word en ek die goeie boodskap van God gratis aan julle verkondig het?
8 Ek het ander gemeentes beroof, deur vergoeding te kry, om julle te bedien;
9 en toe ek by julle was en gebrek gehad het, het ek niemand lastig geval nie, want die
broers wat van Makedonia af gekom het, het in my gebrek voorsien en ek het my in
alles weerhou om nie vir julle ‘n las te wees nie en sal my weerhou.
10 Die waarheid van Die Gesalfde Een is in my, sodat hierdie roem in die streke van
Agaia nie van my weggevat sal word nie.