Nuwe Verbond.indd - Aramaic Peshitta Bible Repository

1 Korinthiërs
11 want wie ken die innerlike van die mens, as dit nie die gees van die mens is wat
in hom is nie? Net so weet ook niemand wat ín God is nie, behalwe die Gees van
God,
12 maar ons het nie die gees van die wêreld ontvang nie, maar die Gees wat vanuit
God is sodat ons kan verstaan wat God vir ons uit onverdiende guns gegee het.
13 Dit wat ons ook oor praat, nie met argumente wat die menslike wysheid leer nie,
maar met dié wat die Gees van Afsondering leer sodat ons geestelike dinge met
geestelike vergelyk.
14 Die natuurlike mens aanvaar nie die dinge van die Gees van God nie, want dit is
vir hom dwaasheid en hy kan dit nie verstaan nie, omdat dit deur die gees geken
word,
15 maar die geestelike mens beoordeel alle dinge, maar self word hy deur niemand
beoordeel nie.
16 “Want wie het die gedagtes van geken, dat hy Hom sou kon leer?”
258
Yes 40:13 Ons
hét egter die gedagtes van Die Gesalfde Een.
3 1 Ek, my broers, kon nie met julle praat soos met geestelikes nie, maar soos met
vleeslikes, soos met babas in Die Gesalfde Een.
2 Ek het julle met melk gevoed, nie met vaste kos nie, want julle was nog nie daartoe
in staat nie en julle is nou nog nie daartoe in staat nie,
3 omdat julle nog steeds vleeslik is, want aangesien daar onder julle jaloesie,
argumentering en verdeeldheid is, is julle nie vleeslik en lewe julle nie na die
menslike nie?
4 Wanneer die een sê: “Ek is van Sha’ul;” en die ander: “Ek is van Apollos”, let op,
is julle nie vleeslik nie?
5 Wie is Sha’ul dan, en wie Apollos; anders as dienaars deur wie julle vertrou het; en
elkeen soos wat aan hom gegee het.
6 Ek het geplant, Apollos het natgemaak, maar God het laat groei.
7 So is hy wat plant of hy wat natmaak dus niks nie, maar God wat laat groei,
8 maar hy wat plant en hy wat natmaak, is dieselfde, maar elkeen sal sy loon volgens
sy arbeid ontvang,
9 want ons is medewerkers van God en julle is die oes van God, die gebou van God.
10 Vanuit die onverdiende guns van God wat aan my gegee is, het ek soos ‘n wyse
argitek die fondament gelê en ‘n ander bou daarop, maar elkeen moet oplet hóe hy
daarop bou,
11 want niemand kan ‘n ander fondament lê as wat daar gelê is nie, dit is Yeshua, Die
Gesalfde Een.
12 As enige iemand op dié fondament bou: Goud, silwer, kosbare stene, hout, gras of
stoppels;
13 elkeen se dade sal aan die lig kom, want die dag sal dit uitwys, omdat dit deur vuur
openbaar gemaak word en die vuur sal elkeen se werk toets.
14 Wie se dade sal bly staan wat hy daarop gebou het, sal sy beloning kry;
15 as iemand se dade verbrand word, sal hy skade ly; hy self sal ontsnap, maar soos
deur vuur heen.