Nuwe Verbond.indd - Aramaic Peshitta Bible Repository

2 Timotheos
24 maar ‘n slaaf van ons Meester behoort nie te baklei nie, maar nederig te wees
teenoor almal, lerend en met langdurige geduld
25 sodat hy die wat teen hom stry in nederigheid kan leer sodat God hulle dalk sal gee
om weg te draai van hulle sonde en hulle die waarheid sal ken
26 en hulle gees sal onthou en losbreek van die strik van Satan waardeur hulle gevang
was om sy wil te doen.
3 1 Jy moet dít weet, dat daar in die laaste dae harde tye sal kom
2 en die mense sal lief wees vir hulleself en lief wees vir geld, grootpraters, trotsaards,
kwaadpraters teen God, nie lojaal aan hulle eie mense nie, verwerpers van die
onverdiende guns, boosaards,
3 slegpraters van ander, gevangenes van begeerte, wreedaards, haters van die goeie,
4 verraaiers, impulsief, arrogant, wat begeerte meer liefhet as die liefde van God.
5 Hulle het ‘n vorm van respek vir God en is vêr verwyderd van Sy krag. Verwyder
sulke mense van jou af,
6 want vanuit hulle is sommige wat van huis tot huis sluip en vroue wat begrawe is
onder sondes en deur allerhande begeertes gelei word, gevange neem;
7 wat altyd leer en nooit tot die kennis van die waarheid kan kom nie.
8 Net soos Yannes en Yambres teen Moshe opgestaan het, so staan ook hierdie mense
teen die waarheid op, mense wat hulle verstand korrup maak en uit die vertroue
verwerp word.
9 Hulle sal nie vooruitgaan nie, want hulle gekheid is aan elke mens bekend, net soos
ook hulle s’n bekend was.
10 Jy het my lering nagevolg, my gewoontes, my liefde, my volharding, my begeertes,
my vertroue, my aanhoudende geduld,
11 my vervolginge en my lyding en jy ken die dinge wat ek deurstaan het in Antiogeia,
in Ikonion en in Loestra; watter vervolginge ek ookal verdra het en my Meester het
my uit almal gered.
12 Almal wat kies om in die aanbidding van God, in eenheid met Yeshua, Die Gesalfde
Een te leef, word vervolg,
13 maar bose mense en verleiers sal byvoeg by hulle boosheid, soos hulle afdwaal en
mislei,
14 maar bly jy in daardie dinge wat jy geleer het en waarvan jy seker is, omdat jy weet
van wie jy geleer het
15 en omdat jy van kindsbeen af die afgesonderde Geskrifte geleer is wat jou wys kan
maak tot die lewe in die vertroue van Yeshua, Die Gesalfde Een.
16 Elke geskrif wat deur die Gees geskryf is, is voordelig vir lering, vir korreksie, vir
rigting en vir ‘n kursus in onpartydigheid en opregtheid
17 sodat die man van God volmaak kan wees, volmaak gemaak vir elke goeie daad.
4 1 Ek beveel jou, voor God en ons Meester Yeshua, Die Gesalfde Een; Hy wat die
lewende en dié wat dood is gaan oordeel by die openbaring van Sy Koninkryk:
2 Verkondig die boodskap; staan ywerig daarop, tydig en ontydig; berispe, spreek aan
met baie aanhoudende geduld en lering,
339