Nuwe Verbond.indd - Aramaic Peshitta Bible Repository

Luka
22 en sommige vroue uit ons geledere het ons ook verstom nadat hulle vroeër by die
graf was
23 en toe hulle Sy liggaam nie kry nie, het hulle gekom en gesê dat hulle ook engele
daar gesien het wat sê dat Hy lewe.
24 Sommige van die wat saam met ons was, het na die graf gegaan en dit net so gevind
soos die vroue gesê het, maar hulle het Hom nie gesien nie.”
25 Toe sê Yeshua vir hulle: “O! Onverstandiges, met verstand, wil en emosie wat
stadig is om alles wat die profete gesê het te vertrou!
26 Moes Die Gesalfde Een nie hierdie dinge deurgaan en in Sy gemanifesteerde
Teenwoordigheid ingaan nie?”
27 Hy het begin om vanaf Moshe en al die profete vir hulle uit al die Skrifte, die dinge
wat op Hom betrekking het, deeglik te verduidelik
28 en toe hulle naby die dorp kom waarheen hulle op pad was, het Hy aangekondig
dat Hy na ‘n plek verder gaan.
29 Hulle het Hom teruggehou en vir Hom gesê: “Bly by ons, want die dag is besig om
verby te gaan en dit word donker” en Hy het ingegaan om by hulle te bly.
30 Dit het gebeur dat toe Hy saam met hulle aan tafel skuinslê, Hy die brood vat, dank,
dit breek en dit aan hulle gee.
31 Onmiddellik is hulle oë geopen en hulle het Hom herken; en Hy het opgegaan voor
hulle weg.
32 Hulle sê vir mekaar: “Was ons verstand nie onnosel in ons toe Hy met ons op die
pad gepraat en vir ons die Skrifte oopgemaak het nie?”
33 Toe staan hulle dadelik op en gaan terug na Yerushalayim en vind die elf en die wat
saam met hulle bymekaar was,
34 wat sê: “Ons Meester het waarlik opgestaan en aan Shim’on verskyn.”
35 Hulle het ook vertel wat op die pad gebeur het en hoe Hy aan hulle bekend geword
het by die breking van die brood.
36 Terwyl hulle hierdie dinge vertel, staan Yeshua tussen hulle en Hy sê vir hulle:
“Vrede, gesondheid, voorspoed en vergenoegdheid vir julle! Ek Is , moenie
bang wees nie.”
37 Hulle het geskrik, was in vrees en het gedink dat hulle ‘n gees sien.
38 Yeshua sê vir hulle: “Waarom is julle geskud en kom daar allerhande gedagtes op
by julle?
39 Kyk na my hande en my voete, dat dit Ek is. Vat aan My en wees seker, want ‘n
gees het nie vleis en bene soos julle sien dat Ek het nie.”
40 Toe Hy hierdie dinge gesê het, wys Hy vir hulle Sy hande en Sy voete
41 en steeds het hulle, van vreugde, nie geglo nie en hulle verwonder en Hy sê vir
hulle: “Het julle iets hier om te eet?”
42 Toe gee hulle vir Hom ‘n stuk gebraaide vis en ‘n heuningkoek
43 en Hy het dit gevat en voor hulle geëet.
44 Hy sê vir hulle: “Hierdie is die boodskap wat Ek met julle gedeel het toe Ek nog
by julle was, dat alles wat oor My geskrywe is in die wet van Moshe, die profete en
die psalms, volledig gemaak moet word.”
45 Toe maak Hy hulle verstand oop om die Skrifte te verstaan
138