Nuwe Verbond.indd - Aramaic Peshitta Bible Repository

Opmerkings
17. Mat 13:25 – Darrel = ‘n vals graan, wat lyk net soos graan, maar ‘n onkruid is.
18. Mat 16:16 - Die Gesalfde Een - Mashiag - verwys baie spesifiek na die Een wat
belowe is regdeur die Ou Verbond - die vervulling van die belofte. Dit is nodig
om dit direk, persoonlik en spesifiek te maak. ‘Christus’ soos dit in die ander
vertalings gebruik word is ‘n transliterasie van die Grieks. Dit word deur baie
mense verkeerdelik as ‘n naam of van vir die Verlosser gebruik. Dit is meer as
‘n naam, dit is die vervulling van ‘n belofte, die Versekerde Verwagting wat waar
geword het. Die Gesalfde Een van God wat gekom het.
19. Matt 21:9 / 22:44- Hierdie aanhaling is uit Ps 118:25-26 en regverdig dat die
persoonlike Naam van God gebruik word, soos dit bedoel is. Kurios - Meester
is die Griekse vervanging van wat die mense eintlik sou geskree het. In hierdie
aanhaling, asook ander, glo ek die persoonlike Naam van God word gebruik en
nie die verwysing na heerser of meester nie. In al sulke gevalle, gebruik ek die
Hebreeuse karakters, en moet die leser self besluit of hy dit uitspreek as
YAHUAH, Yahweh of Yehovah. Hier is dit egter NIE Meester of Here nie.
20. In die vrae en antwoorde, in veral Mat 22, maar ook elders, is die woord wat
gebruik word vir ‘n vraag vra, eintlik ‘n vraag met die doel vir ‘n debat - of ‘n
strikvraag – ‘n vraag met die doel om iemand vas te vang in sy eie woorde sodat
die persoon kan bewys hy is verkeerd en dus dat die een wat die vraag vra reg is.
Die antwoord word dus uit die geskrifte verwag, om aanvaar te word. Die woord
toets is hier beter as versoek, omdat dit gaan oor die toets van die waarheid wat
geleer word. Daarom haal Yeshua gereeld die Ou Verbond aan as bewys waarteen
hulle nie kan antwoord nie.
21. Mat 23:5 - t’fillin is klein leer dosies wat perkament rolletjies bevat met aanhalings
uit die Tanakh (Ou (Eerste) Verbond) daarop, Deut 6:4–9, 11:13–20, Eks 13:1-
Godsdienstige Jode bind een om hulle arm en een op die voorkop vas, tydens die
weeklikse diens of gebede, as ‘n letterlike vervulling van Deut 6:8. Aangesien dit
‘n geestelike opdrag is, is die fisiese doen daarvan nie deel van die wet van God
nie. Die waarheid van die wet en Woord is in die vertrou en doen en nie net in een
van die twee nie.
22. Gebedstossel -tzitzit / tzitziyot - Onderhoudende Joodse mans in Yeshua se tyd
en vandag, dra tossels aan die onderkant van hulle klere, in gehoorsaamheid aan
Num 15:37–41. Hulle doel is om ander en hulleself te herinner om gehoorsaam te
wees aan God se opdragte. Omdat dit nie net vir dekorasie is nie, kan dit nie net
met soom vertaal word nie. Dit is ‘n gebedstossel. Vandag word dit meer net na die
sinagoges gedra in ‘n rituele kleed bo-oor die klere of ‘n klein onderkleed met die
tossels aan. Yeshua het egter, soos in daardie tyd die gebruik was, syne aan sy bokleed
vas gedra. (vertaal uit JNT Commentary - Dr. David Stern.)
viii