Nuwe Verbond.indd - Aramaic Peshitta Bible Repository

23. Mat 26:49 - Ek glo vir geen oomblik dat Y’hudah die Griekse groet hier saam met
die Aramese titel gebruik het nie, maar deurgaans die Aramees, wat tog sy taal was
- dit moet dus Shalom lui wat ‘Vrede, gesondheid, voorspoed en vergenoegdheid’
beteken en veiligheid insluit.
24. Mat 26:63 - die verpligte eed van waarheid. Die wet bepaal dat jy nie mag stilbly
as jy die waarheid ken nie. Dit is die rede waarom Yeshua hier moes antwoord, om
nie die wet te verbreek nie. Lev 5:1
25. Kruis – eintlik houtpaal – dit is bewys dat die paal of boom in daardie tyd met ‘n
dwarspaal, in verskillende vorms, gebruik is deur die Romeine as ‘n instrument vir
die doodstraf. Ek het ‘n probleem met die betekenis wat sommige van die kerke
daaraan gee. Dit is primêr ‘n instrument vir die doodstraf. Op verskeie plekke
verwys dit net na die dwarsbalk wat gedra is en waaraan die persoon vasgemaak
word voordat dit teen ‘n boom of paal opgelig word. Mat 27:31; Mar 15:20;
Luk 23:26; Yog 19:17.
26. Mar 1:16 ; Mat 4:18 ; Luk 5:1 - Meer van Kinneret is die naam van die varswater
meer wat in die Yardenrivier gevorm word in die Galil; dit word so genoem, want dit
is in die vorm van ‘n harp (Heb. Kinnor). Ander vertalings van die Bybel identifiseer
dit as die see van Galiléa en die Griekse teks soms as die see van Tiberias.
27. Mar 2:23 en ander plekke – Shabbat. Dit het nie eerstens te make met die dag
waarop dienste gehou word nie. ‘n Mens is welkom om op enige dag byeenkomste
te hou, maar verwys elke keer na die dag wat God vir Homself afgesonder het lank
voor die wet aan Moshe gegee is of die volk Yisra’el bestaan het – reeds van die
skepping af. Gen 2:3. Dié sewende dag, wat nog nooit êrens deur God in die Skrif
verander is as die dag wat vir Hom afgesonderd is nie. Hier gebruik ons die naam
Shabbat met hoofletters omdat dit die naam van die dag is wat, as dit vertaal sou
word, Rusdag, sal wees. Aangesien Roomse tradisie die rusdag as die eerste dag
van die week beskou is dit nodig om die oospronklike Hebreeuse transliterasie te
gebruik om die regte dag aan te dui.
28. Mar 6:37 – Een denari was ongeveer die loon vir ‘n dag.
Opmerkings
29. Luk 4:21 en elders: Die woord wat vertaal word met ‘vervul’ beteken om vol te
maak of volledig te maak of die doel bereik en nie dat dit verval het nie. Dit is baie
belangrik vir die ganse Nuwe Verbond en om meeste van die verwysings daarin na
veral die wet en opdragte van God (Torah en Mitzvot), reg te verstaan. Niks wat
God verklaar het om vir alle tye te wees verval nie, maar word volledig gemaak en
meer volledig in waarde en betekenis deurgegee.
30. Luk 11:34; Mat 6:22-23 – Nog ‘n Aramese spreekwoord wat nie sin maak as dit
gewoon vertaal word nie – “Goeie oog” beteken om vrygewig te wees en ‘n “Bose
oog” om suinig te wees. Die betekenis is duidelik in die res van Mat 6.
ix