Nuwe Verbond.indd - Aramaic Peshitta Bible Repository

Mattityahu
68 en gesê: “Profeteer vir ons, Gesalfde Een! Wie is dit wat U slaan?”
69 Kefa het buite in die binnehof gesit en ‘n slavin het na hom toe gekom en gesê: “Jy
was ook saam met Yeshua, die Een van die Galil,”
70 maar hy het dit voor almal ontken en gesê: “Ek weet nie waarvan jy praat nie.”
71 Terwyl hy uitgaan na die stoep toe, sien ‘n ander slavin hom en sê aan dié wat daar
was: “Hierdie een was ook by Yeshua, van Natzeret.”
72 Met ‘n eed ontken hy dit weer: “Ek ken die man nie.”
73 ‘n Rukkie later kom dié wat daar staan en sê vir Kefa: “Waarlik, jy is ook éen van
hulle, want ook deur jou uitspraak is dit duidelik.”
74 Toe begin hy vloek en sweer: “Ek ken die man nie” en dadelik het die haan
gekraai,
75 en Kefa het die woord van Yeshua onthou wat Hy vir hom gesê het: “Voordat die
haan kraai, sal jy My drie maal ontken” en hy het buitentoe gegaan en bitterlik
gehuil.
27 1 Met dagbreek het die Raad al die hoofpriesters en die oudstes van die volk
bymekaargekry en teen Yeshua vergader oor hoe om Hom dood te maak
2 en hulle het Hom vasgebind en weggevat en Hom oorgelewer aan Pilatos, die
goewerneur.
3 Toe Y’hudah, die een wat Hom oorgelewer het, sien dat Hy veroordeel is, het hy
berou gekry en die dertig silwerstukke teruggebring na die hoofpriesters en die
oudstes
4 en gesê: “Ek het gesondig deur onskuldige bloed oor te lewer,” maar hulle sê: “Wat
gaan dit ons aan wat jy ontdek?”
5 Hy het die silwerstukke in die tempel neergegooi en onttrek, weggegaan en homself
opgehang,
6 maar die hoofpriesters het die silwerstukke geneem en gesê: “Dit is nie reg volgens
die wet om dit in die offerhande te gooi nie, omdat dit geld is wat bloed gekoop
het.”
7 Die raad het besluit dat hulle die stuk grond van ‘n pottebakker daarmee koop as ‘n
begraafplaas vir vreemdelinge.
8 Daarom is dié stuk grond Bloedgrond genoem, tot vandag toe.
9 Toe is vervul wat gesê is deur die profeet, wat gesê het: “Ek het dertig silwerstukke
gevat van die kinders van Yisra’el; die waarde van die Kosbare Een, waarop hulle
ooreengekom het
10 en ek het dit vir hulle gegee vir die grond van die pottebakker, soos my beveel
Z’kh 11:12-13
het.”
11 Yeshua het voor die goewerneur gestaan en die goewerneur het Hom gevra en gesê:
“Is U die Koning van die Jode?” Yeshua antwoord hom: “U sê dit.”
12 Terwyl Hy deur die hoofpriesters en die oudstes beskuldig word, het Hy niks
geantwoord nie.
13 Toe sê Pilatos vir Hom: “Hoor U nie hoeveel hulle teen U getuig nie?”
14 Hy het hom op geen enkele woord geantwoord nie sodat die goewerneur hom baie
bewonder het.
49