Nuwe Verbond.indd - Aramaic Peshitta Bible Repository

Markos
14 Hy het twaalf gekies sodat hulle by Hom kon wees en sodat Hy hulle kon uitstuur
om te verkondig
15 en dat hulle die outoriteit kan ontvang om siektes te genees en demone uit te dryf.
16 Shim’on, vir wie Hy Kefa genoem het;
17 Ya’akov, die seun van Zavdai, en Yoganan, die broer van Ya’akov; hulle het Hy
genoem B’nei-Regesh, dit is: Seuns van donder.
18 Andréas, Filippos, Bar-Talmai, Mattityahu, T’oma, Ya’akov, die seun van Halfai,
Taddai, Shim’on die jaloerse
19 en Y’hudah van K’riot, wie Hom sou verraai. Hulle het in die huis ingegaan
20 en weer het ‘n menigte mense bymekaargekom sodat hulle nie brood kon eet nie.
21 Toe Sy familie dit hoor, gaan hulle uit om beheer oor Hom te neem, want hulle het
gesê: “Hy is van sy verstand af.”
22 Die leraars van die wet, wat van Yerushalayim af gekom het, het gesê: “Hy het Ba’al-
Zibbul in Hom,” en: “Deur die heerser van die demone dryf Hy die demone uit.”
23 Yeshua het hulle geroep en vir hulle deur vergelykende stories gesê: “Hoe is Satan
in staat om Satan uit te dryf?
24 As ‘n koninkryk teen homself verdeeld is, is dit nie moontlik vir daardie koninkryk
om staande te bly nie;
25 en as ‘n huis teen homself verdeeld is, is dit nie moontlik vir daardie huis om
staande te bly nie;
26 en as hy wat Satan is teen homself opstaan en verdeeld is, is dit nie moontlik vir
hom om staande te bly nie, maar dit sal sy einde wees.
27 Niemand kan in die huis van ‘n sterk man ingaan en sy waardevolle besittings roof
as hy nie eers die sterk man vasbind nie; en dan kan hy sy huis beroof.
28 Waarlik, Ek sê vir julle dat alle sondes die kinders van die mens vergewe word en
al die kwaadpraat teen God wat hulle mag kwaadpraat,
29 maar wie ookal teen die Gees van Afsondering kwaad gepraat het, het geen vergifnis
tot in ewigheid nie, maar is skuldig tot ‘n ewige oordeel;”
30 omdat hulle gesê het: “Hy het ‘n onrein gees in Hom.”
31 Sy broers en Sy moeder het gekom en buite gestaan en iemand gestuur om Hom
na hulle toe te roep
32 en ‘n menigte mense het rondom Hom gesit en hulle sê vir Hom: “U moeder en U
broers is buite en soek na U.”
33 Hy antwoord en sê vir hulle: “Wie is My moeder en wie is My broers?”
34 Hy het gekyk na dié wat rondom Hom sit, en sê: “Let op, My moeder en let op,
My broers,
35 want wie ookal die wil van God doen, is My broer, My suster en My moeder!”
4 1 Hy het weer langs die see begin leer en ‘n groot menigte mense het by Hom
bymekaargekom sodat Hyself in ‘n boot op die see gaan sit het en al die mense het
op die grond langs die see gestaan.
2 Hy het hulle baie deur vergelykende stories geleer en vir hulle in Sy leringe gesê:
3 “Luister: Let op, ‘n saaier het uitgegaan om te saai,
4 en terwyl hy saai, het sommige langs die pad geval en ‘n voël het gekom en dit geëet,
59