Nuwe Verbond.indd - Aramaic Peshitta Bible Repository

Handelinge
32 Stuur dan na Yafo en laat Shim’on, wat ook Kefa genoem word, haal. Hy bly in die
huis van Shim’on, ‘n leerlooier, naby die see; as hy kom, sal hy met jou praat.’
33 Ek het onmiddellik na u gestuur en u het goed gedoen om te kom. Let op, ons is
almal voor u om alles te hoor wat van die Teenwoordigheid van God aan u beveel
is.”
34 Shim’on het sy mond oopgemaak en gesê: “In waarheid verstaan ek dat God geen
aannemer van die persoon is nie,
35 maar dat in elke nasie dié een wat Hom vrees en onpartydig en opreg is, aanvaarbaar
is vir Hom.
36 Dít is die boodskap wat Hy gestuur het aan die kinders van Yisra’el toe Hy die
goeie nuus van vrede, gesondheid, voorspoed en vergenoegdheid verkondig het
deur Yeshua, Die Gesalfde Een; Hy wat van almal is.
37 Julle ken die boodskap wat in die hele Y’hudah was, wat vanuit die Galil begin het,
ná die doop wat Yoganan verkondig het,
38 aangaande Yeshua van Natzeret, wat God gesalf het met die Gees van Afsondering
en met krag. Hy het rondgegaan en almal genees wat onderdruk was deur die Bose
een, omdat God met Hom was.
39 Ons is getuies van alles wat Hy gedoen het in die gebied van Y’hudah en in
Deut 21:23
Yerushalayim; Hom het hulle vermoor deur Hom aan ‘n hout op te hang.
40 Hom het God op die derde dag laat opstaan en gegee dat Hy openlik verskyn,
41 nie aan al die mense nie, maar aan ons wat vooraf deur God as Sy getuies gekies
is, aan ons wat saam met Hom geëet en gedrink het, nadat Hy uit die dood uit
opgestaan het.
42 Hy het ons beveel om aan die mense te verkondig en te getuig dat dit Hy is wat deur
God aangestel is as Regter van wat lewe en wat dood is.
43 Van Hom getuig al die profete dat elkeen wat in Hom vertrou, vergifnis van sondes
deur Sy Karakter en Outoriteit sal ontvang.”
44 Terwyl Shim’on besig was om te praat, het die Gees van Afsondering op almal
gekom wat die boodskap gehoor het
45 en dié broers vanuit die besnydenis, wat saam met Shim’on gekom het, was verstom
en verbaas dat die geskenk van die Gees van Afsondering ook oor die ander nasies
uitgestort is,
46 want hulle het gehoor hoe hulle in verskillende tale praat en God grootmaak en
Shim’on sê:
47 “Niemand kan die water keer, dat hierdie mense, wat net soos ons die Gees van
Afsondering ontvang het, nie gedoop word nie?”
48 Toe het hy beveel dat hulle gedoop moet word in die Karakter en Outoriteit van
ons Meester, Yeshua, Die Gesalfde Een. Hulle het hom toe gevra om nog ‘n paar
dae te bly.
11 1 Die Afgevaardigdes en die broers wat in Y’hudah was, het gehoor dat die ander
nasies ook die boodskap van God aanvaar het
2 en toe Shim’on opgaan na Yerushalayim, het die wat uit ‘die besnydenis groep’ was,
hom teëgestaan
200