Nuwe Verbond.indd - Aramaic Peshitta Bible Repository

2 Korinthiërs
8 Ek sê dit nie as ‘n bevel nie, maar om deur die erns van ander ook die egtheid van
julle liefde te toets,
9 want julle ken die onverdiende guns van ons Meester, Yeshua, Die Gesalfde Een,
dat Hy, alhoewel Hy ryk was, ter wille van julle arm geword het sodat julle deur sy
armoede ryk kan word.
10 Hierin gee ek slegs my raad, want dit is beter vir julle, omdat julle alreeds ‘n jaar
gelede begin het, nie alleen om te wil nie, maar ook om te doen,
11 maar voltooi nou die daad ook sodat, net soos die bereidheid om te wil daar was,
julle so ook deur die daad kan voltooi uit wat julle besit,
12 want as die gewilligheid daar is, is dit aanvaarbaar volgens wat iemand het, nie
volgens wat hy nie het nie,
13 want ek bedoel nie dat daar vir ander verligting moet wees en vir julle stryd nie,
14 maar dat volgens gelykheid julle oorvloed hulle tekort kan aanvul in hierdie tyd
sodat ook hulle oorvloed julle tekort kan aanvul en daar gelykheid is.
15 Soos geskrywe is: “Hy wat oorvloed gehad het, het nie te veel gehad nie en hy wat
Eks 16:18
min gehad het, het nie tekort gehad nie,”
16 maar dank aan God, wat dieselfde omgee vir julle in die gedagtes, wil en emosie
van Titos gegee het,
17 want hy het ons versoek aanvaar en omdat hy baie ernstig was, het hy uit eie keuse
na julle toe vertrek.
18 Ons het ook die broer saam met hom gestuur, wie aangeprys word in die goeie
boodskap, deur al die gemeentes.
19 Hy is ook so, deur die gemeentes, gekies om saam met ons te reis in hierdie
onverdiende guns van dienswerk, wat deur ons gedoen word, tot die eer, lof en
aanbidding van God en vir ons ondersteuning en versterking,
20 om te verhoed dat iemand ons sou beskuldig in verband met hierdie oorvloedigheid,
wat deur ons bedien word,
21 want ons neem in ag wat goed is, nie alleen in die Teenwoordigheid van God nie,
Spr 3:4
maar ook voor die mense.
22 Ons het ook ons broer, wie se erns baie keer en in baie dinge getoets is, maar nou
nog ernstiger is deur sy groot vertroue in julle, saam met hulle gestuur;
23 asook Titos, wat my deelgenoot en medewerker vir julle is; asook ons broers, hulle
is afgevaardigdes van die gemeentes, tot eer, lof en aanbidding van Die Gesalfde
Een.
24 Bewys daarvolgens aan hulle julle liefde en waaroor ons roem oor julle, ook voor
die gemeentes.
9 1 Aangaande die dienswerk teenoor die afgesonderdes is dit eintlik oorbodig vir
my om aan julle te skryf,
2 want ek weet dat julle denke gereed is; waaroor ek oor julle by die mense van
Makedonia roem; dat Agaia ‘n jaar gelede gereed gemaak het en dat die ywer wat
van julle uitgegaan het, baie ander opgewek het,
3 maar ek het die broers gestuur sodat ons roem oor julle in hierdie geval nie leeg mag
wees nie sodat julle gereed sal wees, soos ek gesê het,
284