Nuwe Verbond.indd - Aramaic Peshitta Bible Repository

Yoganan
18 Dit is hoekom die groot skare mense voor Hom uitgegaan het, omdat hulle gehoor
het dat Hy hierdie wonderteken gedoen het.
19 Die Fariseërs het vir mekaar gesê: “Sien julle dat julle geen vordering maak nie?
Kyk, die hele wêreld loop agter Hom aan.”
20 Daar was ook nie-Jode onder díe wat opgekom het om op die fees te aanbid.
21 Hulle het na Filippos gegaan wat van Beit-Tzaidah, in die Galil, was en hom gevra
en gesê: “Meneer, ons wil graag vir Yeshua sien.”
22 Filippos kom en sê dit vir Andreas en Andreas en Filippos vertel dit weer vir
Yeshua.
23 Yeshua antwoord hulle en sê: “Die tyd het gekom dat die Seun van die mens vereer
en geloof moet word.
24 Dit is ‘n tydlose waarheid wat Ek vir julle sê: As die graankorrel nie in die grond
val en doodgaan nie, bly dit alleen, maar as dit doodgaan, dra dit baie vrug.
25 Wie sy lewe liefhet, sal dit vernietig, maar wie sy lewe haat in hierdie wêreld, sal
dit bewaar vir die ewige lewe.
26 As iemand My dien, laat hom My volg en waar Ek is, daar sal hy wat my dien, ook
wees; en as iemand My dien, sal die Vader hom eer.
27 Let op, My Gees is nou ontsteld en wat sal Ek sê? Vader, red My uit hierdie tyd?
Maar dit is juis as gevolg hiervan dat Ek in hierdie tyd gekom het.
28 Vader, bring eer en lof aan U Naam!” Daar is toe ‘n stem uit die hemel gehoor: “Ek
hét dit vereer en geloof en Ek vereer en loof dit.”
29 Die mense wat daar gestaan en dit gehoor het, het gesê dat daar ‘n donderslag was.
Ander het gesê: “’n Boodskapperengel het met Hom gepraat.”
30 Yeshua antwoord en sê vir hulle: “Hierdie Stem het nie gekom vir My nie, maar
om julle ontwil.
31 Nóu is dit die oordeel oor hierdie wêreld, nóu sal die heerser van hierdie wêreld
uitgegooi word.
32 Wanneer Ek van die grond af opgelig word, sal Ek almal na My toe trek.”
33 Dit het Hy gesê om aan te dui watter dood Hy sal sterf.
34 Die skare mense antwoord Hom: “Ons het uit die wet gehoor dat Die Gesalfde Een
tot in ewigheid bly en hoe sê U dat die Seun van die mens opgelig moet word? Wie
is hierdie Seun van die mens?”
35 Yeshua sê vir hulle: “Die Lig sal nog net vir ‘n klein rukkie by julle wees. Loop
terwyl julle nog die Lig het sodat die duisternis julle nie oorval nie. Wie in die
duisternis loop, weet nie waarheen hy gaan nie.
36 So lank as julle die Lig by julle het, vertrou in die Lig sodat julle kinders van die
Lig kan wees.” Hierdie dinge het Yeshua gesê, weggegaan en Homself vir hulle
weggesteek.
37 Terwyl Hy al hierdie wondertekens voor hulle gedoen het, het hulle nie in Hom
vertrou nie
38 sodat die boodskap van die profeet Yesha’yahu vervul sou word wat gesê het:
“My Meester, wie het ons verkondiging vertrou en aan wie is die arm van
Yes 53:1-12
geopenbaar?”
39 Daarom kon hulle nie vertrou nie, omdat Yesha’yahu óók gesê het:
165