Nuwe Verbond.indd - Aramaic Peshitta Bible Repository

Galatiërs
1 1 Sha’ul, ‘n afgevaardigde, nie vanaf mense of deur ‘n mens nie, maar deur Yeshua,
Die Gesalfde Een en God-die-Vader wat Hom uit die dood uit opgewek het
2 en al die broers wat by my is; aan die gemeente in Galatia:
3 Onverdiende guns vir julle en vrede, gesondheid, voorspoed en vergenoegdheid van
God-die-Vader en van ons Meester, Yeshua, Die Gesalfde Een,
4 Hy wat Homself gegee het terwille van ons sondes, om ons te bevry uit hierdie bose
wêreld, volgens die wil van God, ons Vader,
5 aan wie die eer, lof en aanbidding toekom vir ‘n tydlose ewigheid! Dit is waar.
6 Ek verwonder my dat julle so vinnig weggedraai word van Die Gesalfde Een af. Hy
het julle deur Sy onverdiende guns geroep. Na ‘n ander ‘goeie boodskap’,
7 wat nie bestaan nie, is daar sommige mense wat julle lastig val en die goeie boodskap
van Die Gesalfde Een wil verdraai.
8 Selfs as ons, of ‘n boodskapper uit die hemel, vir julle ‘n goeie boodskap verkondig
anders as die goeie boodskap wat ons aan julle verkondig het, sal hy vervloek
wees!
9 Net soos wat ons dit van die begin af sê, sê ek nou ook weer: As iemand aan julle
‘n goeie boodskap verkondig anders as die wat julle ontvang het, sal hy vervloek
wees!
10 Soek ek inderdaad nou die aanvaarding van mense, of van God? Of probeer ek om
mense tevrede te stel? Want as ek tot nou toe mense tevrede gestel het, dan is ek nie
‘n slaaf van Die Gesalfde Een nie,
11 maar ek verklaar teenoor julle, my broers, dat die goeie boodskap wat deur my
verkondig is, nie ‘n goeie boodskap vanaf die mens is nie,
12 want ek het dit ook nie vanaf ‘n mens gekry of geleer nie, maar deur ‘n openbaring
vanaf Yeshua, Die Gesalfde Een,
13 want julle het gehoor van my vroeëre lewenswyse, wat in Judaïsme was, dat ek die
gemeente van God uitermate vervolg en dit vernietig het
14 en dat ek in Judaïsme uitgestyg het ver bo baie volksgenote van my eie ouderdom
en baie ywerig was aangaande die leringe van my voorvaders.
15 Toe God dit egter goed gedink het, wat my afgesonder het van die baarmoeder van
my moeder af en my deur Sy onverdiende guns geroep het,
16 om Sy Seun in my te openbaar sodat ek Hom onder die ander nasies sou verkondig,
het ek dit nie dadelik aan vlees en bloed openbaar nie
17 en ook nie na Yerushalayim opgegaan na die wat voor my afgevaardigdes was nie,
maar na Arabië gegaan en weer teruggekom na Dammesek.
18 Na drie jaar het ek na Yerushalayim opgegaan om Kefa te ontmoet en vyftien dae
by hom gebly
19 en ek het geen ander van die afgevaardigdes gesien nie, behalwe Ya’akov, die broer
van ons Meester.
20 Hierdie dinge wat ek vir julle skryf: Let op! In die Teenwoordigheid van God, ek
lieg nie!
21 Na hierdie dinge het ek na die streke van Sirië en Kilikia gegaan
22 en my gesig was onbekend by die gemeentes van die Gesalfde Een in Y’hudah,
291