Nuwe Verbond.indd - Aramaic Peshitta Bible Repository

Mattityahu
23 1 Toe het Yeshua met die mense en Sy studentevolgelinge gepraat
2 en vir hulle gesê: “Die leraars van die wet en die Fariseërs het gaan sit op die stoel
van Moshe,
3 daarom moet julle alles wat hulle vir julle sê om te onderhou, onderhou en doen,
maar moenie doen soos hulle doen nie, want hulle praat en doen nie;
4 want hulle bind swaar laste en sit dit op die skouers van die mense, maar hulle is nie
gewillig om hulle vinger te verroer en daaraan te raak nie,
5 maar alles wat hulle doen, doen hulle om deur die mense gesien te word. Hulle maak
hul wetkassies breed en die blou draad gebedstossels aan hulle klere lank.
6 Hulle is lief vir die eerste klas sitplekke by feeste en die eerste klas sitplekke in
sinagoges,
7 die groetwense in die stadsplein en om deur die mense ‘rabbi’ genoem te word,
8 maar julle, laat julle nie ‘my leermeester’ noem nie, want Een is julle leermeester
en julle is almal broers.
9 Julle moenie julleself op die aarde vader noem nie, want een is julle Vader: Hy wat
in die hemel is.
10 Julle moet julle ook nie leiers laat noem nie, want een is julle Leier: Die Gesalfde
Een,
11 maar hy wat groot is onder julle moet julle dienskneg wees,
12 maar enige een wat homself verhoog, sal verneder word en wie homself verneder,
sal verhoog word,
13 maar wee julle, leraars van die wet en Fariseërs, toneelspelers van vals karakters,
wat die huise van die weduwees verteer deur ‘n offer van lang herhaling van woorde
in julle gebede; as gevolg hiervan sal julle ‘n groter oordeel ontvang.
14 Wee julle, leraars van die wet en Fariseërs, toneelspelers van vals karakters, want
julle maak die Koninkryk van die hemel toe voor die mense; omrede julle self nie
ingaan nie, laat julle nie toe dat hulle wat wil, ingaan nie.
15 Wee julle, leraars van die wet en Fariseërs, toneelspelers van vals karakters, want
julle loop rond oor see en land om een bekeerling te maak; en as hy dit geword het,
maak julle hom ‘n kind van die hel, twee maal erger as julleself.
16 Wee julle, blinde gidse, wat sê: ‘Wie ‘n eed sweer by die tempel; dit is niks nie,
maar wie ‘n eed sweer by die goud van die tempel, hy is onder verpligting.’
17 Julle dwase en blindes, want wat is meer: die goud, of die tempel wat die goud
afsonder?
18 ‘Wie ‘n eed sweer by die altaar; dit is niks nie; maar wie ‘n eed sweer by die
offerande bo-op dit, hy is onder verpligting.’
19 Julle dwase en blindes, want wat is meer: die offerande, of die altaar wat die offer
afsonder?
20 Wie dus ‘n eed sweer by die altaar, sweer ‘n eed dáárby en by alles wat daarop is
21 en wie ‘n eed sweer by die tempel, sweer ‘n eed dáárby en by Hom wat daarin
woon
22 en wie ‘n eed sweer by die hemel, sweer ‘n eed by die troon van God en by Hom
wat daarop sit.
40