Nuwe Verbond.indd - Aramaic Peshitta Bible Repository

Markos
35 Terwyl Hy nog praat, kom daar mense van die hoof van die sinagoge se huis en sê:
“U dogter is dood. Waarom val u die Leermeester nog lastig?”
36 Yeshua het die woorde gehoor wat hulle gesê het en Hy sê vir die hoof van die
sinagoge: “Moenie vrees nie; hou net aan vertrou.”
37 Hy het niemand toegelaat om saam met Hom te gaan nie, behalwe Shim’on Kefa,
Ya’akov en Yoganan, die broer van Ya’akov.
38 Hulle kom by die huis van die hoof van die sinagoge en sien die wat omgekrap
was, huil en weeklaag.
39 Hy het ingegaan en sê vir hulle: “Waaroor is julle omgekrap en huil julle? Die kind
is nie dood nie, maar slaap.”
40 Hulle het vir Hom gelag, maar Hy het almal uitgejaag en die vader van die kind, die
moeder en die wat by Hom was, saamgevat en ingegaan na waar die meisie lê.
41 Hy vat die meisie aan haar hand en sê vir haar: “Jong meisie, staan op!”
42 Dadelik het die jong meisie opgestaan en rondgeloop, want sy was ‘n dogter van
twaalf jaar oud en hulle was verstom met groot verbasing.
43 Hy het hulle streng beveel dat hulle niemand daarvan vertel nie en vir hulle gesê
om vir haar iets te gee om te eet.
6 1 Hy het daarvandaan weggegaan en in die dorp gekom en Sy studentevolgelinge
het by Hom gebly.
2 Toe dit Shabbat word, begin Hy om in die sinagoge te leer en baie wat Hom gehoor
het, was verwonderd en sê: “Waar kry Hy hierdie dinge en watter wysheid is aan
Hom gegee, dat sulke wonderwerke deur Sy hande gedoen kan word?
3 Is Hy nie net die skrynwerker, die seun van Miryam, die broer van Ya’akov, Yosi,
Y’hudah en Shim’on nie en is sy susters nie hier tussen ons nie?” en hulle was
1 Kor 1:23
agterdogtig oor Hom.
4 Yeshua sê vir hulle: “Daar is nie ‘n profeet sonder eer nie, behalwe in sy tuisdorp,
by sy familie en in sy huis.”
5 Hy kon geen kragtige dade daar beoefen nie, behalwe om ‘n paar siekes die hande
op te lê en hulle gesond te maak
6 en Hy was verwonderd oor hulle gebrek aan vertroue en het na die dorpies rondom
gegaan en geleer.
7 Hy het die twaalf geroep en begin om hulle twee-twee uit te stuur en hulle outoriteit
gegee oor vuil geeste: om hulle uit te dryf
8 en Hy het hulle beveel om niks op die pad saam te vat nie behalwe miskien net ‘n
staf; geen sak, geen brood en geen koper in hulle beursie nie,
9 maar hulle moet sandale aan hulle voete trek en nie twee kledingstukke aantrek
nie.
10 Hy het ook vir hulle gesê: “In watter huis julle ookal mag ingaan, bly dáár totdat
julle daarvandaan vertrek
11 en almal wat julle nie ontvang of selfs nie na julle luister nie, wanneer julle weggaan
van daardie plek af, skud die stof onder julle voete af, tot ‘n getuienis teen hulle. Dit
is waar, Ek sê vir julle, dit sal vir S’dom en vir ‘Amora meer uithoudbaar wees in
die dag van oordeel as vir daardie dorp.”
63