Nuwe Verbond.indd - Aramaic Peshitta Bible Repository

Romeine
16 As ek enige iets doen wat ek nie wil nie, dan getuig ek dat die geskrewe wet goed
is,
17 maar nou is dit nie ek wat dit doen nie, maar die sonde wat in my bly,
18 want ek weet dat in my, dit is in my vlees, die goeie nie bly nie, want dit is maklik
vir my om bly te wees oor die goeie, maar ek kan dit nie doen nie,
19 want die goeie wat ek gekies het om te doen, het ek nie gedoen nie, maar die bose
wat ek nie wou doen nie, dit het ek gedoen.
20 As ek enige iets doen wat ek nie wou nie, dan was dit nie ek wat dit gedoen het nie,
maar die sonde wat in my bly.
21 Ek vind dus ‘n wet, wat met my gewete saamstem, wat kies om die goeie te doen,
omdat die bose naby my is,
22 want ek verheug my in die wet van God vanuit die innerlike mens,
23 maar ek sien ‘n ander wet in my lede wat oorlog maak teen die wet van my gewete
en my gevange hou aan die wet van die sonde wat in my lede is.
24 Ek is ‘n ellendige mens! Wie sal my red uit hierdie liggaam van die dood?
25 Ek dank God: Deur ons Meester, Yeshua, Die Gesalfde Een! Daarom is ek nou met
my gewete ‘n slaaf van God se wet, maar in my vlees ‘n slaaf van die wet van die
sonde.
8 1 Daarom is daar geen veroordeling in Yeshua, Die Gesalfde Een, vir dié wat nie
in die vlees leef nie,
2 want die wet van die Gees van lewe, wat in Yeshua, Die Gesalfde Een, is, het jou
vrygemaak van die wet van die sonde en van dood,
3 want omdat die wet swak was, deur die sieklikheid van die vlees, het God Sy Seun
in die vorm van die sondige vlees gestuur, as gevolg van sonde, om die sonde in Sy
vlees te veroordeel
4 sodat die opregtheid en onpartydigheid van die wet volledig gemaak kon word in
ons sodat ons nie na die vlees leef nie, maar na die Gees,
5 want die wat in die vlees is, word deur daardie vlees beheer, maar die wat van die
Gees is, word deur daardie Gees beheer,
6 want die gedagtes van die vlees is dood, maar die gedagtes van die Gees is lewe,
vrede, gesondheid, voorspoed en vergenoegdheid,
7 omdat die gedagtes van die vlees, vyandskap teen God is, want dit is nie gehoorsaam
aan die wet van God nie, want dit is ook nie moontlik nie.
8 Die wat in die vlees is, kan God nie tevrede stel nie,
9 maar julle is nie in die vlees nie, maar in die Gees, as die Gees van God waarlik in
julle bly, maar as iemand die Gees van Die Gesalfde Een nie het nie, behoort hy nie
aan Hom nie.
10 As Die Gesalfde Een in julle is, dan is die liggaam dood vir die doel van sonde,
maar die Gees is lewend vir die doel van die onpartydigheid en opregtheid
11 en as die Gees van Hom wat ons Meester, Yeshua, Die Gesalfde Een uit die dood
uit laat opstaan het, in julle bly, dan sal Hy wat Yeshua, Die Gesalfde Een uit die
dood laat opstaan het, ook aan julle dooie liggame lewe gee deur Sy Gees wat in
julle bly.
242