Nuwe Verbond.indd - Aramaic Peshitta Bible Repository

Yoganan
10 Yeshua sê vir hom: “Hy wat gewas is, het niks anders nodig as om die voete te was
nie, want hy is reeds volkome skoon en julle is heeltemal skoon, maar nie almal
Eks 30:20
nie,”
11 want Yeshua het geweet wie Hom sou oorgee. Daarom het Hy gesê: ‘Julle is nie
almal skoon nie.’
12 Nadat Hy hulle voete gewas en Sy bo-klere aangetrek het, het Hy weer aan tafel
gaan skuinslê en vir hulle gesê: “Verstaan julle wat Ek vir julle gedoen het?
13 Julle noem My ‘Leermeester’ en ‘My Meester,’ en dit is reg so, want Ek is dit.
14 As Ek dan, julle Leermeester en julle Meester, julle voete gewas het, hoeveel te
meer moet julle nie mekaar se voete was nie,
15 want hierdie voorbeeld het Ek vir julle gegee sodat net soos Ek aan julle gedoen
het, net so moet julle ook doen.
16 Dit is ‘n tydlose waarheid wat Ek vir julle sê: Daar is nie ‘n slaaf groter as sy
meester nie en ook nie ‘n afgevaardigde groter as die een wat hom gestuur het nie.
17 As julle hierdie dinge verstaan, is julle geseënd as julle dit doen.
18 Ek praat nie van julle almal nie, want Ek weet wie Ek gekies het, maar dat die
Skrif vervul kan word: ‘Hy wat saam met My brood eet, het sy hakskeen teen My
Ps 41:10
opgelig.’
19 Van nou af sê Ek dit aan julle voordat dit gebeur sodat wanneer dit gebeur, julle
Eks 3:14
kan vertrou: Ek Is .
20 Dit is ‘n tydlose waarheid wat Ek vir julle sê: Wie iemand ontvang wat Ek stuur,
ontvang My en wie My ontvang, ontvang Hom wat My gestuur het.”
21 Nadat Yeshua dit gesê het, het Hy in Sy Gees kragtig ontsteld geword en getuig en
gesê: “Dit is ‘n tydlose waarheid wat Ek vir julle sê: Een van julle sal My oorgee.”
22 Hierop het die studentevolgelinge na mekaar gekyk, omdat hulle nie geweet het
van wie Hy dit gesê het nie.
23 Een van Sy studentevolgelinge, hy vir wie Yeshua liefgehad het, het aan die tafel
teen die bors van Yeshua aangelê.
24 Shim’on Kefa beduie vir hom dat hy moet uitvind wie dit is van wie Hy praat,
25 en hy het geval teen die bors van Yeshua en vir Hom gesê: “My Meester, wie is
dit?”
26 Yeshua antwoord en sê: “Dit is die een aan wie Ek die stukkie brood sal gee as Ek
dit ingedoop het,” en Hy doop die stukkie brood in en gee dit aan Y’hudah, die seun
van Shim’on, van K’riot.
27 Na die brood het die Satan in hom ingegaan en Yeshua sê vir hom: “Wat jy doen,
doen dit gou.”
28 Niemand, van die wat aan tafel was, het verstaan waarom Hy dit vir hom gesê het
nie,
29 want die manne het gedink, omdat Y’hudah die beurs gehou het, dat Yeshua vir hom
sê: ‘Koop wat ons nodig het vir die fees;’ of dat hy iets aan die armes moes gee.
30 Y’hudah het net nadat hy die stukkie brood geneem het, dadelik uitgegaan, maar
dit was nag toe hy uitgegaan het.
31 Toe hy uit was, sê Yeshua: “Nou is die Seun van die mens vereer en geloof; en God
is in Hom vereer en geloof.
167