Nuwe Verbond.indd - Aramaic Peshitta Bible Repository

Markos
28 Leer die allegorie van die vyeboom: Wanneer sy tak sag word en sy blare uitspruit,
weet julle dat die somer hier is
29 en net so weet julle ook, wanneer julle hierdie dinge sien gebeur, dat dit naby is,
voor die deur.
30 Dit is waar, Ek sê vir julle, hierdie familie sal nie verbygaan voordat al hierdie
dinge gebeur het nie.
31 Die hemele en die aarde sal verbygaan, maar My boodskap sal nooit verbygaan nie,
32 maar van daardie dag en dié uur weet niemand nie, selfs nie die engele in die hemel
of die Seun nie, behalwe net die Vader.
33 Wees versigtig, wees waaksaam en bid, want julle weet nie wanneer dit tyd is nie.
34 Dit is soos ‘n man wat na die buiteland reis, wat sy huis agtergelaat en vir sy slawe
outoriteit gegee het, vir elkeen sy werk en aan die deurwagter opdrag gegee het om
waaksaam te wees.
35 Wees dan waaksaam, want julle weet nie wanneer die meester van die huis kom
nie: in die laat middag of middernag of met die kraai van die haan of vroeg in die
oggend nie;
36 dat hy nie miskien in die stilte kom en julle aan die slaap kry nie.
37 Wat Ek vir julle sê, sê Ek vir almal: Wees waaksaam!”
14 1 Oor twee dae sal dit Pesag en die Fees van Ongesuurde Brode wees. Die
hoofpriesters en die leraars van die wet het gesoek hoe hulle Hom slinks kon vang
en doodmaak,
2 maar hulle het gesê: “Nie tydens die fees nie, want die mense sal in oproer kom.”
3 Terwyl Hy in Beit-Anyah was, in die huis van Shim’on, die pottebakker, en skuinslê
by die tafel, kom daar ‘n vrou met ‘n alabaste fles met geparfumeerde olie: die beste,
baie waardevolle nardussalf, en sy maak dit oop en gooi dit af op Yeshua se kop,
4 maar daar was sommige van Sy studentevolgelinge wat by hulleself ontevrede was
en het gesê: “Hoekom is die geparfumeerde olie gemors,
5 want dit kon moontlik vir meer as drie honderd denarii verkoop en die geld aan die
armes gegee word?” en hulle was verontwaardig teenoor haar.
6 Yeshua sê egter: “Los haar uit; waarom gee julle haar moeilikheid? Sy het ‘n mooi
daad vir My gedoen,
7 want julle het altyd die armes by julle en wanneer julle so kies, kan julle aan hulle
goed doen, maar Ek is nie altyd by julle nie.
8 Dit wat vir haar moontlik was, het sy gedoen. Sy het vooruit My liggaam vir die
begrafnis gesalf.
9 Dit is waar, Ek sê vir julle, oral waar hierdie goeie boodskap van My oor die hele
wêreld verkondig word, daar sal ook gepraat word van wat sy gedoen het, tot ‘n
nagedagtenis aan haar.”
10 Y’hudah van K’riot, een van die twaalf, het na die hoofpriesters gegaan met die
doel om Hom aan hulle oor te lewer.
11 Toe hulle dit hoor, was hulle bly en het belowe om hom geld te gee en hy het na ‘n
geleentheid gesoek om Hom oor te lewer.
79