Nuwe Verbond.indd - Aramaic Peshitta Bible Repository

5 Hulle sal rekenskap gee aan God, wat die lewende en die wat dood is, sal oordeel,
6 want as gevolg hiervan het Hy ook aan die dooies die goeie boodskap verkondig
sodat hulle in die vlees geoordeel kan word as mens, maar sal lewe deur God in die
Gees,
7 maar Hy, die Einde van alles, het gekom; as gevolg hiervan, wees beskaamd en word
wakker om te bid
8 en voor enige iets anders moet julle mekaar aanhou liefhê, want die liefde bedek ‘n
menigte sondes.
Spr 10:12
1 Kefa
9 Wys liefde teenoor vreemdelinge sonder om te kla.
10 Laat elkeen van julle sy naaste dien soos goeie hoofde van die unieke huis van
onverdiende guns van God, met die geestelike gawe wat hy ontvang het.
11 As iemand praat, laat dit wees volgens die woorde van God; as iemand dien, laat
dit wees vanuit die krag wat God hom gee sodat God in alles wat julle doen geëer,
geloof en aanbid kan word deur Yeshua, Die Gesalfde Een, aan wie die eer, lof,
aanbidding en krag toekom vir ‘n tydlose ewigheid. Dit is waar.
12 Julle vir wie ek lief is, verbaas julle nie oor die versoekings wat oor julle kom, asof
iets vreemds met julle gebeur nie, want dit is tot julle toetsing
13 maar verheug julle daarin dat julle deel aan die lyding van Die Gesalfde Een,
want net so sal julle jul ook verheug in die openbaring van Sy Gemanifesteerde
Teenwoordigheid en spring van vreugde.
14 As julle beledig word oor die Outoriteit en Karakter van Die Gesalfde Een, is julle
gelukkig, omdat die Gees van eer, lof en aanbidding van God op julle rus.
15 Solank niemand van julle as moordenaar, dief of boosdoener ly nie,
16 maar as iemand as ‘n volgeling van Die Gesalfde Een ly, moet hy hom nie skaam
nie, maar laat hom God daardeur loof in hierdie Naam,
17 want dit is die tyd dat die oordeel moet begin by die huis van God, maar as dit by
ons begin, wat sal die gevolg wees vir dié wat nie oortuig is van die goeie boodskap
van God nie?
18 As die onskuldige skaars kan lewe, Spr 11:31 waar sal die bose en sondaar gevind word?
19 As gevolg hiervan, laat die wat volgens die wil van God ly, hulle gees aan Hom
toevertrou deur goeie dade, soos aan ‘n vertrouenswaardige Skepper.
5 1 Ek beroep my op die oudstes onder julle, ek wat ‘n mede-oudste en getuie van
die lyding van Die Gesalfde Een is en deelgenoot is aan Sy Gemanifesteerde
Teenwoordigheid wat geopenbaar sal word:
2 Wees ‘n herder vir die kudde van God wat julle volg en versorg hulle geestelik, nie
uit dwang nie, maar met plesier; nie vir vuil wins nie, maar vanuit jou hele verstand,
wil en emosie;
3 nie as base oor die kudde nie, maar as uitstekende voorbeelde vir hulle
4 en wanneer die Hoofherder openbaar sal word, sal julle ‘n onverganklike kroon van
eer en lof van Hom ontvang.
5 Julle jongeres, moet aan julle oudstes gehoorsaam wees en wees almal streng
aangetrek met nederigheid in julle gedagtes teenoor mekaar, want God opponeer
die trotses,Spr 3:34 maar aan die nederiges gee Hy onverdiende guns.
375