Nuwe Verbond.indd - Aramaic Peshitta Bible Repository

Luka
8 want ek is ook ‘n man wat onder outoriteit gesit is en ek het soldate onder my; en vir
hierdie een sê ek: ‘Gaan!’ en hy gaan; en vir ‘n ander een: ‘Kom!’ en hy kom; en vir
my slaaf: ‘Doen dit!’ en hy doen dit.”
9 Toe Yeshua dit hoor, het Hy hom verwonder oor hom en Hy draai Hom om en sê vir
die mense wat saam met Hom loop: “Ek sê vir julle, selfs nie in Yisra’el het Ek so
‘n groot vertroue gekry nie.”
10 Toe die wat gestuur was, teruggaan in die huis, vind hulle die siek slaaf reeds
gesond.
11 Dit het gebeur dat Hy die volgende dag na ‘n dorp met die naam van Na’im gegaan
het en Sy studentevolgelinge en ‘n skare mense saam met Hom.
12 Toe Hy die poort van die dorp nader, sien Hy daar word ‘n dooie uitgedra, die
enigste seun van sy moeder, ‘n weduwee en baie mense van die dorp was saam met
haar.
13 Yeshua het haar gesien en het aktief omgegee vir haar en vir haar gesê: “Moenie
huil nie!”
14 Hy het nader gegaan, die draagbaar aangeraak en die draers het gaan staan en Hy
sê: “Jongman, Ek sê vir jou, staan op!”
15 Hy wat dood was het regop gesit, begin praat en Hy het hom vir sy moeder
gegee.
16 Vrees het almal aangegryp en hulle het God vereer, geloof en aanbid en gesê: “’n
Groot profeet het tussen ons opgestaan en God het Sy volk besoek.”
17 Hierdie boodskap aangaande Hom het uitgegaan in die hele Y’hudah en in die
omliggende gebied.
18 Die studentevolgelinge van Yoganan het hom oor al hierdie dinge ingelig
19 en Yoganan het twee van sy studentevolgelinge na hom toe geroep en hulle na Yeshua
gestuur en gesê: “Is U die Een wat sou kom, of moet ons vir ‘n ander een wag?”
20 Die manne het by Hom gekom en vir Hom gesê: “Yoganan die Doper het ons na U
gestuur en gesê: ‘Is U die Een wat sou kom, of moet ons vir ‘n ander Een wag?’”
21 In daardie uur het Hy baie mense genees van siektes, plae, bose geeste en aan baie
blindes hulle sig gegee.
22 Yeshua antwoord en sê vir hulle: “Gaan vertel aan Yoganan alles wat julle gesien
en gehoor het:
101
Yes 35:5-6; 26:19; 61:1 Hulle wat blind was, sien; hulle wat lam was, loop;
hulle wat melaats was, word gereinig; hulle wat doof was, hoor; hulle wat dood was,
staan op; aan hulle wat arm was, word die goeie boodskap verkondig
23 en geseënd is hy wat nie oor My aanstoot neem nie.”
24 Nadat die boodskappers van Yoganan weggegaan het, begin Hy om vir die mense
aangaande Yoganan te sê: “Wat het julle uitgegaan in die wildernis om te sien? ‘n
Riet wat deur die wind geskud word?
25 Wat het julle egter uitgegaan om te sien? ‘n Man aangetrek in sagte klere? Let op!
Die wat eerbare klere het en in luuksheid leef, is in die huis van ‘n koning.
26 Andersins, wat het julle uitgegaan om te sien? ‘n Profeet? Ja, Ek sê vir julle, nog
baie meer as ‘n profeet!
27 Dit is hy van wie daar geskrywe is: ‘Let op! Ek stuur My boodskapper voor U
Mal 3:1
Teenwoordigheid uit, wat U pad voor U voorberei.’