Nuwe Verbond.indd - Aramaic Peshitta Bible Repository

Openbaring
11 en hulle het kwaad gepraat van die Naam van God van die hemel as gevolg van
hulle pyne en hulle swere en hulle het nie erken en berou gehad oor hul dade nie.
12 Die sesde engel het sy fles oor die groot rivier, die Eufrates, uitgegooi en sy water
het opgedroog sodat die pad vir die konings wat van die ooste af kom, voorberei
kon word.
13 Ek het uit die bek van die draak, uit die bek van die dier en uit die mond van die
vals profeet drie onrein geeste sien uitkom, soos paddas,
14 want dit is geeste van demone wat wondertekens doen, wat uitgaan na die konings
van die hele aarde, om hulle bymekaar te maak vir die oorlog van daardie groot dag
van God, wat alles vashou.
15 Let op! Ek kom soos ‘n dief. Seën vir hom wat waaksaam is en sy klere beskerm
sodat hy nie miskien kaal rondloop en hulle sy skaamte sien nie
16 en Hy sal hulle bymekaarmaak Z’kh 12:10-11 op die plek wat in Hebreeus genoem word
Megiddo.
17 Die sewende engel het sy fles in die lug uitgegooi en ‘n harde stem het vanaf die
tempel, van voor die Troon uitgegaan, wat gesê het: “Dit is afgehandel”
18 en daar was weerlig, donderslae en ‘n groot aardbewing, soos wat daar nog nooit
was vandat die mense op die aarde gekom het nie, só groot was díé aardbewing.
19 Die groot stad is in drie dele verdeel en die stede van die nasies het geval en God
het Bavel, die grote, onthou, om vir haar die beker, met die wyn van die wraak van
Sy woede, te gee.
Yir 25:15; 25:26-31
20 Alle eilande het gevlug en berge kon nie gekry word nie
21 en groot haelkorrels van omtrent twee en veertig kilogram, het uit die lug op die
mense geval en die mense het God vervloek oor die haelplaag, omdat Sy plaag baie
groot was.
17 1 Een van die sewe engele met die sewe flesse het gekom en met my gepraat en
vir my gesê: “Volg my en ek sal vir jou die oordeel wys van die hoer wat op baie
waters sit,
2 want met haar het die konings van die aarde seksueel immoreel verkeer en almal, wat op
die aarde bly, het dronk geword Yir 51:7 van die wyn van haar seksuele immoraliteit.”
3 Hy het my in die gees na die wildernis toe gebring en ek het ‘n vrou sien sit op
‘n bloedrooi dier, vol name wat kwaadpraat teen God, wat sewe koppe, maar tien
horings het
4 en die vrou was aangetrek met pers en skarlakenrooi en versier met goud, edelstene
en pêrels en sy het in haar hand ‘n goue beker gehad, vol verwerplikhede en die
Yir 51:7
vuilheid van haar seksuele immoraliteit
5 en tussen haar oë was geskryf: Die Geheime, die groot Bavel, die moeder van hoere
en van die vuilhede van die aarde.
6 Ek het die vrou gesien, dronk van die bloed van die afgesonderdes, van die bloed
van die getuies van Yeshua en ek was verbaas met ‘n groot verbasing toe ek haar
sien.
7 Die engel sê vir my: “Waarom is jy verwonderd? Ek sal jou die geheim van die vrou
vertel en van die dier met die sewe koppe en die tien horings wat haar dra.
412