Nuwe Verbond.indd - Aramaic Peshitta Bible Repository

Yoganan
24 God is Gees en dit is toepaslik dat die wat Hom aanbid, in Gees en Waarheid
aanbid.”
25 Die vrou sê vir Hom: “Ek weet dat Die Gesalfde Een kom en wanneer Hy kom, sal
Hy ons alle dinge leer.”
26 Yeshua sê vir haar: ‘Ek Is , Eks 3:14 Ek wat met jou praat!’
27 Terwyl Hy praat kom Sy studentevolgelinge en hulle was verbaas dat Hy met ‘n
vrou praat. Tog het niemand gesê: ‘Wat soek jy?’ of: ‘Waarom praat U met haar?’
nie.
28 Die vrou het haar waterkan gelos en die stad ingegaan en vir die mense gesê:
29 “Kom kyk, ‘n man wat my alles vertel wat ek gedoen het. Is Hy Die Gesalfde
Een?”
30 Hulle het uit die stad uitgegaan en na Hom toe gekom.
31 Te midde van hierdie dinge het Sy studentevolgelinge by Hom aangedring en gesê:
“Ons Meester, eet,”
32 maar Hy sê vir hulle: “Ek het kos om te eet wat julle nie van weet nie.”
33 Die studentevolgelinge vra vir mekaar: “Het iemand dalk vir Hom ete gebring?”
34 Yeshua sê vir hulle: “My persoonlike kos is om die wil te doen van Hóm wat My
gestuur het en om Sy werk te voltooi.
35 Sê julle nie: ‘Dit is nog vier maande, dan kom die oes nie?’ Let op! Ek sê vir julle,
lig julle oë op en kyk na die lande, dat hulle nou reeds wit is van die oes.
36 Wie ookal oes, ontvang beloning en vergader vrug vir die ewige lewe; en die een
wat saai en die een wat oes sal saam bly wees,
37 want hierin is ‘n woord van waarheid: ‘Die een saai; en ‘n ander oes.’
38 Ek het julle gestuur om dit waarvoor julle nie gewerk het nie te oes, maar ander het
gewerk, en julle het ingekom op hulle werk.”
39 Baie van die mense van Shomron, uit daardie stad, het in Hom vertrou as gevolg van
die boodskap van die vrou wat getuig het: “Hy het my alles vertel wat ek gedoen het.”
40 Toe die mense van Shomron by Hom kom, het hulle Hom gevra om by hulle te bly
en Hy het twee dae daar gebly.
41 Baie het op grond van Sy boodskap vertrou
42 en aan die vrou gesê: “Ons vertrou nie nou op grond van wat jy gesê het nie, want
ons het self gehoor en ons weet dat Hy waarlik Die Gesalfde Een, die Lewegewer
van die wêreld, is.”
43 Ná die twee dae het Hy van daar af weggegaan na die Galil toe,
44 want Yeshua self het getuig dat ‘n profeet nie in sy stad eer ontvang nie.
45 Toe Hy in die Galil kom, het die mense van die Galil Hom ontvang, omdat hulle al
die wonderwerke gesien het wat Hy in Yerushalayim op die fees gedoen het, want
hulle het ook na die fees gegaan.
46 Yeshua het weer in Kanah, in die Galil, gekom, waar Hy die water wyn gemaak
het en ‘n dienskneg van ‘n sekere koning, wie se seun siek was, het in K’far-Nagum
gebly.
47 Hy het gehoor dat Yeshua vanuit Y’hudah in die Galil aangekom het en na Hom
toe gegaan en Hom gesmeek om af te kom en sy seun gesond te maak, want hy het
op sterwe gelê.
147