Nuwe Verbond.indd - Aramaic Peshitta Bible Repository

Openbaring
20 Die geheim van daardie sewe sterre wat jy in My regterhand gesien het en die sewe
goue kandelare: Die sewe sterre is die boodskappers van sewe gemeentes en die
sewe kandelare wat jy gesien het, is sewe gemeentes.”
2 1 Skryf vir die boodskapper van die gemeente in Efesos: “Dít sê Hy wat sewe sterre
in Sy hand hou, wat loop tussen die goue kandelare:
2 Ek ken jou dade, jou harde werk en jou geduld, dat jy bose mense nie kan verdra nie
en dat jy dié getoets het wat sê dat hulle afgevaardigdes is en dit nie is nie en gevind
het dat hulle vals is
3 en dat jy volhard en uithou ter wille van My Outoriteit en Karakter en nie moeg
geword het nie,
4 maar Ek het teen jou dat jy jou eerste liefde verlaat het.
5 Onthou van waar jy uitgeval het en doen die dade van vroeër, anders kom Ek teen
jou en sal jou kandelaar wegvat as jy nie wegdraai van jou sonde na God toe nie,
6 maar dit het jy, dat jy die dade van Nikolaita haat, wat Ek ook haat.
7 Hy wat ore het, luister wat die Gees vir die gemeentes sê. Aan die wat die oorwinning
behaal, sal Ek gee om te eet van die boom van die lewe, wat in God se paradys is.”
8 Skryf vir die boodskapper van die gemeente in Smurna: “Dít sê die Eerste en die
Finale, wat dood was en lewe:
9 Ek ken jou lyding en jou armoede; eintlik is jy ryk, en die kwaadpraat van dié wat
sê dat hulle Jode van die Jode is, terwyl hulle dit nie is nie, maar deelgenote van
Satan.
10 Moenie bang wees vir enige iets wat jy gaan ly nie. Let op! Die duiwel gaan
sommige van julle in die tronk gooi om getoets te word en julle sal tien dae lank
lyding hê. Wees vol vertroue tot die dood toe en Ek sal vir jou ‘n kroon van lewe
gee.
11 Hy wat ‘n oor het, laat hom luister wat die Gees vir die gemeentes sê: “Die wat
volhard totdat die oorwinning behaal is, sal nie deur die tweede dood seergemaak
word nie.”
12 Skryf vir die boodskapper wat in die gemeente in Pergamos is: “Dít sê Hy wat die
skerp tweesnykant swaard het:
13 Ek ken die plek waar jy bly, waar die troon van Satan is, dat jy steeds vashou aan
My Outoriteit en Karakter en My vertroue nie verwerp het nie; in die tyd toe jy en My
getroue getuie gestry het namens al My getroue getuies, is hy vermoor tussen julle,
14 maar Ek het sekere dinge teen jou: dat jy mense daar het wat vashou aan die
leer van Bil’am, wat vir Balak geleer het om ‘n struikelblok voor die kinders van
Yisra’el te gooi, om offers aan afgode te eet en om seksueel immoreel te wees.
15 Jy het ook, net so, mense wat vashou aan die leer van Nikolaita.
16 Draai daarom terug, anders kom Ek dadelik op jou af en sal teen hulle oorlog maak
met die swaard van My mond.
17 Hy wat ‘n oor het, laat hom hoor wat die Gees vir die gemeentes sê: “Aan hom wat
die oorwinning behaal, sal Ek gee om te eet van die versteekte manna en Ek sal vir
hom ‘n wit klippie gee en op dié klippie is ‘n nuwe naam geskryf wat niemand ken
nie, behalwe hy wat dit kry.”
398