Nuwe Verbond.indd - Aramaic Peshitta Bible Repository

Luka
43 Wee julle, Fariseërs, want julle is lief vir die eersteklas sitplekke in die sinagoges
en vir die openbare groete op straat.
44 Wee julle, leraars van die wet en Fariseërs, toneelspelers van ‘n vals karakter, want
julle is net soos versteekte grafte en die mense wat daaroor loop, weet dit nie.”
45 Toe antwoord een van die kenners van die wet en sê vir Hom: “Leermeester, as U
só praat, beledig U ons ook.”
46 Hy sê: “Wee julle ook, kenners van die wet, want julle oorlaai die mense met laste
wat pynlik is om te dra en self verroer julle nie een vinger om te help nie.
47 Wee julle, want julle bou die grafte van die profete en julle vaders het hulle
gedood.
48 Julle gee hierdeur getuienis van die dade van julle vaders en keur dit goed, want
hulle het hul gedood en julle bou hulle grafte.
49 Daarom het die wysheid van God ook gesê: ‘Ek sal profete en afgevaardigdes na
hulle stuur en van dié sal hulle doodmaak en vervolg
50 sodat van hierdie geslag die bloed van al die profete wat vergiet is van die
grondlegging van die wêreld af, opgeëis kan word.
51 Van die bloed van Hevel af tot met die bloed van Z’kharyah wat doodgemaak is
tussen die altaar en die Afgesonderde plek.’ Ja, Ek sê vir julle, dit sal opgeëis word
van hierdie geslag.
52 Wee julle, kenners van die wet, want julle het die sleutel van die kennis weggeneem.
Self het julle nie ingegaan nie en die wat wou ingaan, het julle gekeer.”
53 Nadat Hy dit aan hulle gesê het, het die leraars van die wet en die Fariseërs begin
om ernstig aanstoot te neem teen Hom en Sy woorde verkleineer
54 en misleidend teenoor Hom opgetree op baie maniere, terwyl hulle gesoek het na
iets uit Sy mond sodat hulle Hom kon beskuldig.
12 1 Terwyl ‘n groot menigte van mense bymekaargekom het sodat hulle mekaar
vertrap het, begin Yeshua om vir Sy studentevolgelinge te sê: “Eerstens moet julle
versigtig wees onder julleself vir die suurdeeg van die Fariseërs, dit is, hulle vals
toneelspel.
2 Daar is niks weggesteek wat nie geopenbaar sal word nie en geheim wat nie bekend
sal word nie.
3 Alles wat julle in die donker sal sê, sal in die lig gehoor word; en wat julle in die
binnekamers in die ore gefluister het, sal op die dakke verkondig word,
4 maar Ek sê vir julle, My vriende: Moenie bang wees vir hulle wat die liggaam
doodmaak en daarna niks meer kan doen nie,
5 maar Ek sal julle wys wie julle moet vrees: vrees Hom wat, nadat Hy doodgemaak
het, die outoriteit het om in die hel te werp; ja, Ek sê vir julle, vrees Hom!
6 Word vyf mossies nie vir twee assarii verkoop nie? Nie een van hulle is voor God
vergete nie,
7 maar selfs die hare van julle kop is almal getel. Wees dan nie bang nie: Julle is meer
werd as baie mossies.
8 Ek sê vir julle: Elkeen wat My sal erken voor die mense, hom sal die Seun van die
mens ook erken voor die engele van God,
113