Nuwe Verbond.indd - Aramaic Peshitta Bible Repository

Handelinge
24 want hy was ‘n goeie man en vol van die Gees van Afsondering en vertroue en baie
mense is by ons Meester bygevoeg
25 en hy het na Tarsos vertrek om Sha’ul te soek
26 en toe hy hom kry, het hy hom saam met hom na Antiogeia gebring en hulle het ‘n
hele jaar lank as een saam in die gemeente bymekaargekom en baie mense geleer
en die studentevolgelinge is in Antiogeia vir die eerste keer ‘volgelinge van Die
Gesalfde Een’ genoem.
27 In dié dae het daar profete van Yerushalayim na Antiogeia afgekom
28 en een van hulle met die naam van Agav het opgestaan en deur die Gees te kenne
gegee dat daar ‘n groot hongersnood oor die hele land sou kom, wat ook gebeur het
onder keiser Klaudios.
29 Die studentevolgelinge het besluit dat elkeen van hulle na sy vermoë iets sou stuur
tot versorging van die broers wat in Y’hudah bly,
30 wat hulle deur die hande van Bar-Nabba en Sha’ul, aan die oudstes gestuur het.
12 1 Daardie tyd het koning Herodes, wat die bynaam Agrippas gehad het, sy hande
aan mense uit die gemeente geslaan om hulle kwaad aan te doen.
2 Hy het Ya’akov, die broer van Yoganan, met die swaard vermoor
3 en toe hy sien dat dit die Jode tevrede stel, het hy verder ook vir Shim’on Kefa
gevang, maar dit was die dae van ongesuurde brood.
4 Hy het hom gearresteer en hom in die tronk gesit en oorgegee aan sestien soldate,
om wag te hou oor hom, om hom ná die Pesagfees aan die mense van Y’hudah oor
te lewer.
5 Terwyl Shim’on in die tronk bewaak is, het die gemeente sonder ophou tot God vir
hom gebid.
6 Die nag, voor sonsopkoms, voordat Herodes hom wou oorgee, het Shim’on tussen twee
soldate geslaap, met twee kettings vasgemaak en ander het voor die deur wag gestaan.
7 Daar staan ‘n engel van by hom en ‘n lig skyn in die hele plek en hy stamp
hom in die sy, maak hom wakker en sê: “Staan vinnig op” en die kettings het van
sy hande afgeval.
8 Die engel sê vir hom: “Bind jou gordel vas en trek jou sandale aan!” Hy het dit
gedoen. Verder sê hy vir hom: “Gooi jou bo-kleed om en volg my!”
9 Hy het uitgegaan en hom gevolg, maar hy het nie geweet dat wat deur die engel
plaasgevind het, regtig was nie, maar hy het gedink dat hy ‘n visioen sien
10 en toe hulle by die eerste en die tweede wag verbygegaan het, kom hulle by die
ysterhek en dit het vanself vir hulle oopgegaan. Hulle het buitekant gekom, een
straat ver gegaan en skielik het die engel weggegaan van hom af.
11 Toe besef Shim’on en sê: “Nou weet ek in waarheid dat Sy engel gestuur en
my gered het uit die hand van koning Herodes en uit dit wat die Joodse manne teen
my beplan het.”
12 Terwyl hy dit oordink, kom hy by die huis van Miryam, die moeder van Yoganan,
wat ook Markos genoem word, omdat baie in gebed bymekaar was.
13 Hy het aan die buitedeur geklop en ‘n diensmeisie met die naam van Rhode het
gegaan om dit te antwoord
202