Nuwe Verbond.indd - Aramaic Peshitta Bible Repository

14 aan regters, want hulle is vanaf Hom gestuur om kwaaddoeners te straf en om die
wat goed doen, te prys,
15 want só is dit die wil van God, dat julle deur goed te doen, die monde van dwase
mense sal stilmaak,
16 soos vrymense en nie soos hulle wat die vryheid as ‘n verskoning vir die boosheid
gebruik nie, maar soos slawe van God.
17 Julle moet almal eer, die broers liefhê, God respekvol vrees en die koning eer.
18 Huisbediendes, wees aan julle meesters gehoorsaam met alle vrees, nie alleen aan
die wat goed en sag is nie, maar ook aan die harde en bose,
19 want daar is onverdiende guns vir iemand as hy, ter wille van die gewete voor God,
leed verdra wat van die Bose Een af kom,
20 want watter eer is daar as julle verdra wanneer julle as gevolg van dwaasheid
verkeerd doen en geslaan word? Maar, as julle verdra wanneer julle goed doen en
ly, dan word julle eer en lof voor God opgelig,
21 want hiertoe is julle geroep, omdat Die Gesalfde Een ook in julle plek gesterf het
en vir julle ‘n voorbeeld nagelaat het sodat julle in Sy voetspore kan volg.
22 Hy wat geen sonde gedoen het nie Yes 53:9 en in wie se mond geen bedrog gevind is
nie;
23 Hy wat beledig is en nie beledig het nie; Hy het gely en niemand gedreig nie, maar
het Sy oordeel oorgegee aan Hom wat regverdig oordeel;
24 Hy het al ons sondes Yes 53:4,12 in Sy liggaam op die kruishout Deut 21:22,23 opgelig, en as
ons dood is aan sondes, sal ons in Sy onpartydigheid en opregtheid lewe. Deur Sy
wonde is julle gesondgemaak,
Yes 53:5
1 Kefa
25 want julle was soos verdwaalde skape, maar nou het julle teruggedraai na die
Yes 53:6
Skaapwagter en Omgeegewer van julle lewe.
3 1 Net so moet julle vroue gehoorsaam wees aan jul eie mans sodat die wat nie die
boodskap gehoorsaam nie, deur jou mooi lewenswyse, sonder inspanning, gewen
kan word
2 wanneer hulle sien dat julle respekvol, met oorleg en goeie oordeel optree.
3 Julle versiering moenie uiterlik wees nie: Vlegsels in julle hare, juweliersware van
goud of fyn klere nie,
4 maar wees versier in die geheime van die gedagtes, wil en emosie van die mens, in
die onverganklike versiering van ‘n nederige gees wat baie kosbaar is voor God,
5 want net só het ook die afgesonderde vroue, wat ‘n versekerde verwagting op God
gehad het, vroeër hulleself versier en hulle was gehoorsaam aan hulle eie mans,
6 soos wat Sarah gehoorsaam was aan Avraham en hom ‘my meester’ genoem het; wie
se kinders julle geword het Gen 18:12 as julle goed doen en geen bedreiging vrees nie.
7 Julle manne moet op díé manier met hulle saamlewe: Met kennis en hulle as
swakkeres met eer behandel, omdat julle ook mede-erfgename van die geskenk van
ewige lewe is sodat julle nie in julle gebede mag struikel nie.
8 Die slotsom is dat almal van julle in harmonie met mekaar moet wees; ly saam met
die wat ly, wees lief vir mekaar en wees vol omgee en nederigheid.
373