Nuwe Verbond.indd - Aramaic Peshitta Bible Repository

18 want iemand sê vir jou: Jy en ek het ‘geloof’; ek het werke. Efe 2:8-10 Wys my jou
‘geloof’ sonder dade en ek sal jou my vertroue deur my dade wys.
19 Jy vertrou dat God één is. Deut 6:4 Jy doen goed. Die demone glo dit ook en hulle
bewe,
20 maar wil jy weet, o nietige mens, dat die ‘geloof’ sonder werke dood is?
21 Is Avraham, ons vader, nie vanuit sy dade onskuldig verklaar toe hy Yitz’gak, sy
seun, op die altaar gesit het nie?
Gen 22:1-19
Ya’akov
22 Sien jy dat sy vertroue sy dade bevestig het en dat sy vertroue volmaak geword het
deur dade?
23 Die Skrif is vervul wat sê: “Avraham het God vertrou en dit is hom tot onpartydig-heid
en opregtheid gereken Gen 15:6; Rom 4:3 en hy is ‘n vriend van God Yes 41:8; 2 Kro 20:7 genoem.”
24 Sien julle dat die mens onskuldig verklaar word deur dade en nie alleen deur die
‘geloof’ nie?
25 Is Ragav, die prostituut, Y’ho 2:8-21; 6:25 nie ook net so onskuldig verklaar deur haar
dade toe sy die boodskappers ontvang en met ‘n ander pad weggestuur het nie?
26 Net soos die liggaam sonder gees dood is, net so is ook die ‘geloof’ sonder dade
dood.
3 1 Daar moenie baie leermeesters onder julle wees nie, my broers, want julle weet
dat ons ‘n groter oordeel sal ontvang,
2 want ons almal struikel dikwels. Elkeen wat nie struikel in wat hy sê nie; hy is ‘n
volmaakte man, in staat om ook die hele liggaam te beheer.
3 Let op! Ons sit stange in die perde se bekke sodat hulle ons gehoorsaam kan wees
en ons draai hulle hele liggaam daarmee.
4 Ook soos skepe, magtig en deur sterk winde voortgedryf, deur ‘n baie klein, harde
stukkie hout gestuur word net waarheen die stuurman wil;
5 net so is die tong ook ‘n klein ledemaatjie en het heerskappy. ‘n Klein vuurtjie steek
‘n groot woud aan die brand!
6 Die tong is ook ‘n vuur en die wêreld van boosheid soos ‘n oerwoud. Die tong
op sy eie onder die lede, besmet ons hele liggaam en dit steek die opeenvolgende
generasies aan, wat soos wiele voortrol en brand soos vuur,
7 want die natuur van alle soorte wilde diere, voëls, reptiele, sowel as seediere, word
getem deur die menslike natuur,
8 maar die mens is nie in staat om die tong te tem nie. Dit is onbeheerbaar boos, vol
dodelike gif.
9 Daarmee seën ons en die Vader en daarmee vervloek ons mense, wat gemaak
Gen 1:26-27
is na die beeld van God.
10 Uit dieselfde mond kom seëninge en vervloeking. Dit, my broers, behoort nie so
te wees nie.
11 Is dit moontlik dat uit dieselfde fontein vars en bitter water uitkom?
12 Of kan ‘n vyeboom, my broers, olywe dra, of ‘n wingerdstok, vye? Net so word
bitter water nie soet gemaak nie.
13 Wie is wys en intelligent onder julle? Laat hom sy goeie dade wys in ‘n mooi
lewenswyse, in die wysheid van nederigheid,
367