Nuwe Verbond.indd - Aramaic Peshitta Bible Repository

1 Korinthiërs
18 en dan het ook die wat in Die Gesalfde Een dood is, sonder twyfel vergaan.
19 As ons net in hierdie lewe op Die Gesalfde Een ‘n versekerde verwagting het, dan
is ons die bejammerenswaardigste van alle mense,
20 maar nou, Die Gesalfde Een ís opgewek uit die dood uit en Hy is die eersteling
vrug van die wat dood is.
21 Net soos die dood deur ‘n mens gekom het, net so het die lewe van die wat dood
is, deur ‘n Mens gekom,
22 want net soos alle mense deur Adam doodgaan, net so sal hulle ook almal in Die
Gesalfde Een lewe.
23 Elke persoon in sy orde: Die eersteling vrug is Die Gesalfde Een, daarna die wat
aan Die Gesalfde Een behoort, wanneer Hy kom
24 en dan kom die einde, wanneer Hy die Koninkryk aan God die Vader oorgee,
wanneer Hy elke heerser en elke outoriteit en alle kragte vernietig het,
25 want Hy gaan heers, totdat Hy al Sy vyande onder Sy voete
273
Ps 110:1 gesit het.
26 Die laaste vyand wat Hy vernietig, is die dood.
27 “Want Hy het alles ondergeskik gestel onder Sy voete,” Ps 8:6-7 maar wanneer
Hy sê dat alles ondergeskik gemaak is, is dit duidelik dat Hy wat alles aan Hom
ondergeskik gemaak het, uitgesonder is
28 en wanneer alles ondergeskik aan Hom gemaak is, dan sal ook die Seun Homself
ondergeskik maak aan die Een wat alles ondergeskik aan Hom gemaak het sodat
God alles in almal kan wees.
29 Anders, wat sal dit hulle baat wat hulle vir die dooies laat doop, as die dooies nie
weer sal lewe nie? Waarom laat hulle hul nog vir die dooies doop?
30 Waarom leef ons ook elke oomblik in gevaar?
31 So waar as wat ek roem op julle in Die Gesalfde Een, Yeshua, ons Meester, sterf
ek daagliks, broers.
32 As ek in Efesos as mens vir wilde diere gegooi is, watter voordeel was dit vir my?
As die dooies nie opgewek word nie, laat ons dan eet en drink, want môre sterf
Yes 22:13, 56:12
ons!
33 Moenie mislei wees nie; bose gesprekke korrup goeie denke.
34 Maak julle verstand, wil en emosie wakker in onskuld en moenie sondig nie, want
daar is sommige wat nie die kennis van God in hulle het nie. Ek sê dit tot julle
skande.
35 Iemand van julle sal sê: ‘Hoe staan die dooies op en in watter liggaam verskyn
hulle?’
36 Dwaas! Die saad wat jy saai, kan nie lewendig word as dit nie doodgegaan het nie;
37 en dit wat jy saai is nie die liggaam wat sal word nie, maar ‘n kaal korrel, van graan
of van gars of van ‘n ander graan,
38 maar God gee dit ‘n liggaam net soos Hy wil en aan elkeen van die saad ‘n liggaam
volgens sy natuur.
39 Elke vlees is nie dieselfde as ander vlees nie, maar die vlees van mense is anders as
die vlees van ‘n bees, wat anders is as dié van voëls, wat anders is as dié van visse;
40 en daar is ‘n hemelse liggaam en ‘n aardse liggaam, maar die eer en lof van die
hemelse is anders as dié van die aardse.