Nuwe Verbond.indd - Aramaic Peshitta Bible Repository

Yoganan
50 Yeshua sê vir hom: “Vertrou jy omdat Ek vir jou gesê het: ‘Ek het jou onder die
vyeboom gesien?’ Jy sal groter dinge sien as dit.”
51 Hy sê vir hom: “Dit is ‘n tydlose waarheid wat Ek vir julle sê, van nou af sal julle
die hemel oopgemaak sien en die engele van God wat opgaan en afgaan op die Seun
Gen 28:12
van die mens.”
2 1 Op die Derde Dag was daar ‘n bruilofsfees in Kanah, ‘n stad in die Galil en die
moeder van Yeshua was daar.
2 Yeshua self en Sy studentevolgelinge is ook na die bruilofsfees genooi.
3 Die wyn was te min en Yeshua se moeder sê vir Hom: “Hulle het nie wyn nie.”
4 Yeshua sê vir haar: “Wat het ons in gemeen, vrou? My tyd het nog nie gekom nie.”
5 Sy moeder sê vir die diensknegte: “Wat Hy ookal vir julle sê, dit moet julle doen.”
6 Daar was ses klip waterkanne vir die Joodse seremoniële reinigings, wat elkeen ‘n
honderd tot ‘n honderd en vyftig liters hou.
7 Yeshua sê vir hulle: “Maak die kanne vol water.” Hulle het hul tot by die rand toe
volgemaak.
8 Hy sê vir hulle: “Skep nou uit en vat dit vir die seremoniemeester.” Hulle het dit
gevat.
9 Toe die seremoniemeester die water, wat wyn geword het, proe (hy het nie geweet
waar dit vandaan kom nie, maar dié wat bedien en die water geskep het, het geweet),
roep die seremoniemeester die bruidegom
10 en sê vir hom: “Alle mense sit eers die goeie wyn voor en, wanneer hulle goed
gedrink het, dan die slegte, maar u het die goeie wyn tot nou toe gehou.”
11 Hierdie eerste een van Sy wonderwerke het Yeshua in Kanah in die Galil gedoen
en Hy het Sy Gemanifesteerde Teenwoordigheid gewys en Sy studentevolgelinge
het in Hom vertrou.
12 Daarna het Hy na K’far-Nagum afgegaan, saam met Sy moeder, Sy broers en Sy
studentevolgelinge en hulle was ‘n paar dae daar.
13 Pesag van die Jode was naby en Yeshua het na Yerushalayim opgegaan
14 en Hy het die verkopers van beeste, skape, duiwe en die geldwisselaars wat daar
sit, in die tempel gekry.
15 Hy het vir Homself ‘n sweep van tou gemaak en almal uit die tempel uitgedryf,
asook die skape en die beeste en die geldstukke van die wisselaars het Hy uitgegooi
en hulle tafels omgekeer
16 en vir die duiweverkopers het Hy gesê: “Vat hierdie goed hier uit; moenie die huis
van My Vader ‘n huis vir handeldryf maak nie.”
17 Sy studentevolgelinge het egter onthou dat daar geskrywe is: “Die ywer vir U huis
Ps 69:10
het My verteer.”
18 Hierop antwoord die Jode en sê vir Hom: “Watter wonderteken wys U vir ons, dat
U hierdie dinge doen?”
19 Yeshua antwoord en sê vir hulle: “Breek hierdie tempel af en in drie dae sal Ek dit
oprig.”
20 Die Jode sê vir Hom: “Ses en veertig jaar lank word aan hierdie tempel gewerk en
U sal dit in drie dae oprig?”
143