Nuwe Verbond.indd - Aramaic Peshitta Bible Repository

Luka
55 Die vroue wat saam met Hom van die Galil af gekom het, het ook saamgegaan en
die graf gesien en hoe Sy liggaam neergesit is.
56 Toe het hulle teruggegaan en speserye en salf voorberei en op die Shabbat gerus
Eks 20:8-11; Deut 5:11-15
volgens die opdrag.
24 1 Vroeg in die oggend, op die eerste dag van die week, terwyl dit nog donker
was, het hulle en ander vrouens saam met hulle, die speserye gebring wat deur hulle
voorberei is en by die graf gekom
2 en gevind dat die steen voor die graf weggerol is.
3 Hulle het ingegaan en nie die liggaam van Yeshua gekry nie
4 en terwyl hulle gewonder het hieroor, let op, staan daar twee manne oor hulle in
glansblink klere.
5 Hulle het baie bang geword en met hulle gesigte na die aarde gebuig. Die manne sê
vir hulle: “Waarom soek julle Die Lewe tussen die dooies?
6 Hy is nie hier nie; Hy het opgestaan. Onthou wat Hy vir julle vertel het toe Hy nog
in die Galil was:
7 Hy het gesê: ‘Die Seun van die mens moet oorgelewer word in die hande van sondige
mense, gekruisig word en op die derde dag sal Hy opstaan’.”
8 Die vrouens het Sy woorde onthou.
9 Hulle gaan terug van die graf af en vertel dit alles aan die elf en aan al die ander.
10 Dit was Miryam van Migdala, Yoganah en Miryam, die moeder van Ya’akov, en
die ander vroue saam met hulle wat dit aan die afgevaardigdes vertel het.
11 Hulle woorde was vir hulle soos ydel praatjies en hulle het hulle nie geglo nie,
12 maar Shim’on het opgestaan en na die graf toe gehardloop en toe hy kyk, sien
hy die doeke alleen lê en hy het weggegaan, wonderend in sy gees oor wat gebeur
het.
13 Let op! Twee van hulle was daardie dag op pad na ‘n dorp wat sewe en ‘n half myl
(12 Km) van Yerushalayim af is, met die naam van Amma’us.
14 Hulle het met mekaar gepraat oor al hierdie dinge wat gebeur het
15 en terwyl hulle praat en dit bespreek, ontmoet Yeshua hulle en loop saam met
hulle,
16 maar hulle oë is toegemaak sodat hulle Hom nie kon herken nie.
17 Hy sê vir hulle: “Wat is hierdie sake waaroor julle loop en praat met mekaar en
waaroor julle so treurig is?”
18 Een van hulle met die naam van Kléopas antwoord en sê vir Hom: “U is inderdaad
alleen ‘n vreemdeling in Yerushalayim dat U nie van die dinge weet wat in hierdie
dae daar gebeur het nie.”
19 Hy sê vir hulle: “Watter dinge?” Hulle antwoord Hom: “Aangaande Yeshua, van
Natzeret, wat ‘n profeet was, kragtig in daad en boodskap voor God en voor die
hele nasie.
20 Hoe die hoofpriesters en leiers Hom oorgelewer en veroordeel het tot die dood en
Hom gekruisig het.
21 Ons het gehoop dat dit Hy was wat Yisra’el sou bevry en let op, dit is vandag, die
derde dag vandat dit plaasgevind het
137