Nuwe Verbond.indd - Aramaic Peshitta Bible Repository

1 Yoganan
11 maar hy wat sy broer haat, is in die duisternis en leef in die duisternis en weet nie
waarheen hy gaan nie, omdat die duisternis sy oë blind gemaak het.
12 Kinders, ek skryf vir julle, wie se sondes vergewe is deur toedoen van Sy Outoriteit
en Karakter.
13 Vaders, ek skryf vir julle, omdat julle Hom ken wat van die begin af is.
Jongmanne, ek skryf vir julle, omdat julle hom, die Bose Een, oorwin het.
Seuns, ek het vir julle geskryf, omdat julle die Vader ken.
14 Vaders, ek het aan julle geskryf, omdat julle Hom ken wat van die begin af is.
Jongmanne, ek het aan julle geskryf, omdat julle sterk is en die boodskap van God
in julle bly en julle die Bose Een oorwin het.
15 Moenie die wêreld liefhê of die dinge wat in die wêreld is nie. As iemand die
wêreld liefhet, dan is die liefde van die Vader nie in hom nie,
16 want alles wat van die wêreld is, die begeertes van die vleeslike liggaam, die
smagtings van die oë en die arrogansie van die tydelike lewe, is nie uit die Vader
nie, maar is vanuit die wêreld.
17 Die wêreld en sy begeertes gaan verby, maar hy wat die wil van God doen, hou
aan tot in ewigheid.
18 My kinders, dit is die einde van die tyd en soos julle gehoor het, kom die vals
gesalfde en daar is nou reeds baie vals gesalfdes, waardeur ons weet dat dit die
einde van die tyd is.
19 Hulle het van ons af uitgegaan, maar hulle was nie deel van ons nie, want as hulle
deel van ons was, sou hulle by ons gebly het, maar hulle het van ons af uitgegaan
om te wys dat hulle nie van ons was nie.
20 Daar is ‘n salwing vir julle van HaKadosh (die Afgesonderde Een) en julle moet
elke persoon onderskei.
21 Ek het nie aan julle geskryf, omdat julle nie die waarheid ken nie, maar omdat julle
dit ken en omdat elke leuen nie vanuit die Waarheid is nie.
22 Wie is die leuenaar anders, as hy wat ontken dat Yeshua Die Gesalfde Een is? Dit
is die vals gesalfdes: Hy wat die Vader ontken, ontken ook die Seun.
23 Elkeen wat die Seun ontken, vertrou ook nie in die Vader nie. Wie ookal die Seun
bely, bely ook die Vader.
24 Wat julle van die begin af gehoor het, laat dit in julle bly. As dit wat julle van die
begin af gehoor het in julle bly, dan sal julle ook in die Seun en in die Vader bly;
25 en dit is die belofte wat Hy aan ons gemaak het, naamlik die ewige lewe.
26 Hierdie dinge het ek aan julle geskryf aangaande diegene wat julle verlei
27 en ook vir julle, dat as julle bly in die salwing wat julle van Hom ontvang het, julle
niemand nodig het om julle te leer nie, maar soos die Salwing wat van God is julle
aangaande alles leer en waar is en daar is geen leuen in Hom nie en soos Hy julle
geleer het, so moet julle in Hom bly.
28 Bly nou in Hom, my kinders sodat ons vrymoedigheid kan hê wanneer Hy verskyn
en nie skaam van Hom af wegdraai by Sy koms nie.
29 As julle weet dat Hy onpartydig en opreg is, dan weet julle dat elkeen wat onpartydig
en opreg leef, vanuit Hom is.
384