Nuwe Verbond.indd - Aramaic Peshitta Bible Repository

Mattityahu
28 Nadat Hy in die huis ingegaan het, kom die blindes na Hom toe en Yeshua sê vir
hulle: “Vertrou julle dat Ek in staat is om dit te doen?” Hulle sê vir Hom: “Ja, ons
Meester.”
29 Toe raak Hy hulle oë aan en sê: “Laat dit vir julle wees net soos julle vertrou”
30 en onmiddellik het hulle oë oopgegaan en Yeshua het hulle ernstig beveel en gesê:
“Let op dat niemand daarvan weet nie.”
31 Hulle het egter weggegaan en dit in die hele gebied bekend gemaak.
32 Terwyl hulle weggaan, bring hulle ‘n doofstom persoon, wat deur ‘n demoon
beheer word, na Yeshua toe
33 en nadat die demoon uitgegaan het, het die doofstom persoon gepraat. Die skare
mense het hulle verwonder en gesê: “So iets is nog nooit in Yisra’el gesien nie,”
34 maar die Fariseërs het gesê: “Deur die prins van die demone dryf Hy die demone
uit.”
35 Yeshua het rondgegaan na al die stede en dorpe en in hulle sinagoges geleer en die
goeie boodskap van die Koninkryk verkondig en elke siekte en elke pyn onder die
mense genees.
36 Toe Hy die groot groep mense sien, het Hy aktief vir hulle omgegee, omdat hulle
uitgeput was en rondgedwaal het, soos skape wat geen herder het nie.
37 Toe sê Hy vir sy studentevolgelinge: “Die oes is groot en die arbeiders is min.
38 Vra daarom van die Meester van die oes, om werkers uit te stuur na Sy oes.”
10 1 Hy het Sy twaalf studentevolgelinge na Hom toe geroep en aan hulle outoriteit
gegee oor vuil geeste, om hulle uit te dryf en om elke siekte en elke pyn te genees.
2 Hierdie was die name van die twaalf afgevaardigdes: Eerstens, Shim’on wat genoem
word Kefa en Andréas, sy broer; Ya’akov, die seun van Zavdai, en Yoganan, sy
broer;
3 Filippos en die seun van (Bar)-Thalmai; T’oma en Mattityahu, die belastinggaarder;
Ya’akov, die seun van Alfaios en Lebbaios wat genoem word Thaddaios;
4 Shim’on die Yweraar en Y’hudah van K’riot, wat Hom oorgegee het.
5 Yeshua het hierdie twaalf gestuur en hulle opdrag gegee en gesê: “Moenie, op pad na
die ander volke toe gaan nie en moenie in ‘n stad van Shomron ingaan nie,
6 maar gaan spesifiek na die verlore skape van die huis van Yisra’el
7 en wanneer julle gaan, kondig aan en sê: ‘Die koninkryk van die hemel het naby
gekom.’
8 Genees siekes, reinig melaatses, dryf demone uit. Sonder betaling is dit ontvang,
sonder betaling moet dit gegee word.
9 Moenie goud of silwer of koper in julle beurse hou nie,
10 geen sak vir die pad of twee kledingstukke of sandale of ‘n wandelstok nie, want
die arbeider is sy versorging waardig,
11 maar in watter stad of dorp julle ook al ingaan, onderskei wie waardig is en bly dan
dáár totdat julle vertrek.
12 Wanneer julle in ‘n huis ingaan, spreek vrede, gesondheid, voorspoed en
vergenoegdheid oor die huishouding
16