Nuwe Verbond.indd - Aramaic Peshitta Bible Repository

1 Timotheos
7 maar hy moet ook ‘n goeie getuienis hê van buitestaanders sodat hy nie in skande en
in die strik van Satan val nie.
8 Net so moet die wat bedien, rein wees, nie uit twee monde praat nie, nie geneig wees
na baie wyn nie, geen vuilgewinsoekers wees nie,
9 maar wat die geheim van die vertroue in ‘n skoon gewete vashou.
10 Hulle moet ook eers getoets word; dan, as hulle onberispelik is, laat hulle bedien.
11 Net so moet die vroue fatsoenlik wees, waaksaam in hulle gedagtes,
vertrouenswaardig in alles en nie skinderaars wees nie.
12 Die bedienaars moet mans van een vrou wees en hulle kinders en eie huis goed
regeer,
13 want die wat aanhou om goed te bedien, koop vir hulleself ‘n eervolle plek en baie
vrymoedigheid in die vertroue van Yeshua, Die Gesalfde Een.
14 Ek skryf vir jou hierdie dinge in die verwagting om gou na jou toe te kom,
15 maar as ek vertraag word, dat jy kan weet hoe iemand moet leef in die huishouding
van God, wat die gemeente is van die lewende God; die pilaar en fondasie van die
waarheid.
16 Waarlik groot is hierdie Geheimenis van onpartydigheid en opregtheid: wat
openbaar is in die vlees, onskuldig verklaar is in die Gees, verskyn het aan engele,
verkondig is onder die nasies, vertrou is in die wêreld en Hy het opgegaan in eer,
lof en aanbidding.
4 1 Die Gees sê duidelik dat hulle in die laaste dae een vir een die vertroue sal verlaat
en na misleidende geeste en leringe van demone sal luister.
2 Dié wat in valse vorm mislei, leuens vertel en hulle gewete skroei.
3 Hulle verbied om te trou en onthou hulle van kos wat God geskep het om met
dankbaarheid gebruik te word deur die wat vertrou en die waarheid ken,
4 want elke ding wat deur God geskep is, is goed en niks is verwerplik as dit met
dankbaarheid ontvang word nie,
5 want dit word afgesonder deur die boodskap van God en gebed.
6 As jy hierdie dinge aan die broers voorhou, sal jy ‘n goeie bedienaar van Yeshua, Die
Gesalfde Een wees, soos jy grootgemaak is met boodskappe van vertroue en met
goeie leringe wat aan jou geleer is.
7 Bly weg van ouvroustories en oefen jouself in opregtheid en onpartydigheid,
8 want liggaamlike oefening is vir nou ‘n bietjie voordelig, maar onpartydigheid en
opregtheid is voordelig vir alles en dit het ‘n belofte van lewe, vir nou en vir die
tyd wat kom.
9 Dit is ‘n vertrouenswaardige boodskap en waardig om aanvaar te word.
10 As gevolg hiervan werk ons ook hard en word ons verwyt, omdat ons ‘n versekerde
verwagting het op die lewende God wat die Lewegewer is van alle mense, spesifiek
van dié wat vertrou.
11 Beveel en leer hierdie dinge.
12 Laat niemand jou jonkheid verag nie, maar wees ‘n voorbeeld vir die wat vertrou:
in boodskap, in optrede, in liefde, in vertroue en in reinheid.
13 Totdat ek kom, wees ywerig in lees, in gebed en in lering.
332