Nuwe Verbond.indd - Aramaic Peshitta Bible Repository

1 1 Sha’ul, ‘n afgevaardigde van Yeshua, Die Gesalfde Een, deur die wil van God en
deur die belofte van lewe, wat in Yeshua, Die Gesalfde Een, is.
2 Aan Timotheos, my kind, waarvoor ek lief is: Onverdiende guns, liefde, vrede,
gesondheid, voorspoed en vergenoegdheid vanaf God-die-Vader en vanaf ons
Meester, Yeshua, Die Gesalfde Een!
3 Ek dank God, wat ek van my voorouers af in ‘n skoon gewete aanbid. Ek onthou jou
onophoudelik, nag en dag, in my gebede
4 en ek begeer om jou te sien as ek aan jou trane dink sodat ek vol blydskap kan
wees.
5 Ek word herinner aan die opregte vertroue wat in jou is, wat eers in jou grootmoeder
Loïs en in jou moeder Eunike was en wat ek oortuig is, ook in jou is.
6 Om hierdie rede herinner ek jou daaraan om die gawe van God op te wek wat, deur
die oplegging van hande, in jou is,
7 want God het ons nie ‘n Gees van vrees gegee nie, maar van krag, liefde en
dissipline.
8 Daarom, skaam jou nie oor die getuienis van ons Meester en ook nie oor my, sy
gevangene nie, maar raak slaags met die bose, deur die krag van God;
9 Hy wat vir ons Lewe gegee het en ons geroep het met ‘n afgesonderde roeping, nie
volgens ons dade nie, maar volgens Sy wil en die onverdiende guns wat van voor
die tyd van die wêreld af, in eenheid met Yeshua, Die Gesalfde Een, aan ons gegee
is
10 en wat nou geopenbaar is deur die openbaring van ons Lewegewer, Yeshua, Die
Gesalfde Een, wat die dood vernietig het en die Lewe en die onvernietigbaarheid
gewys het deur die goeie boodskap;
11 Hy deur Wie ek aangestel is as verkondiger, afgevaardigde en leermeester van die
ander nasies.
12 Om hierdie rede verduur ek ook hierdie dinge en skaam ek my nie, want ek weet
in Wie ek vertrou het en ek is oortuig dat Hy in staat is om my vertroue te bewaar
tot daardié dag toe.
13 Hou, as bloudruk van opregte boodskappe, dié wat jy van my gehoor het in die
vertroue en liefde wat in Die Gesalfde Een, Yeshua is.
14 Behou jou goeie vertroue deur die Gees van Afsondering, wat in ons woon.
15 Jy weet dat, almal wat in Asië is, hulle van my af weggedraai het, onder wie
Foegellos en Hermogenes.
16 Mag die Meester Sy omgee wys vir die huis van Onesiforos, want hy het my
gereeld verkwik en hom nie oor my kettings geskaam nie,
17 maar ook toe hy in Rome gekom het, het hy my baie ywerig gesoek en gevind.
18 Mag ons Meester vir hom gee dat hy omgee sal vind by ons Meester in dié dag! Jy
weet spesifiek ook hoeveel hy my bedien het in Efesos.
2 1 Jy, daarom, my kind, word versterk in die onverdiende guns wat in Yeshua, Die
Gesalfde Een is
2 en die dinge wat jy van my gehoor het voor baie getuies, die dinge het ek ook aan
vertrouenswaardige manne toevertrou om ook ander te leer.
2 Timotheos
337