Nuwe Verbond.indd - Aramaic Peshitta Bible Repository

Yoganan
53 Van dié dag af aan het hulle beplan om Hom dood te maak.
54 Yeshua het nie meer openlik onder die Jode beweeg nie, maar daarvandaan
weggegaan na die streek naby die wildernis, na ‘n stad wat Efrayim genoem word
en Hy het daar gebly saam met Sy studentevolgelinge.
55 Die Pesagfees van die Jode was naby en baie het uit die dorpies na Yerushalayim
opgegaan voor die Pesag, om hulle lewe te reinig.
Neg 9:10-13
56 Hulle het Yeshua gesoek en terwyl hulle in die tempel staan, sê hulle vir mekaar:
“Wat dink julle, sal Hy na die fees toe kom?”
57 Die hoofpriesters en die Fariseërs het ook ‘n bevel gegee dat, indien iemand weet
waar Hy is, hy dit moes bekend maak sodat hulle Hom kon vang.
12 1 Ses dae voor die Pesag het Yeshua na Beit-Anyah gegaan waar El’azar, wat
dood was en wat Yeshua uit die dood uit laat opstaan het, was.
2 Hulle het daar vir Hom ‘n ete gegee en Martha het bedien terwyl El’azar een van dié
was wat saam met Hom aan tafel was.
3 Miryam vat ‘n albasterfles welriekende olie, die beste, baie kosbare, egte nardusolie,
salf die voete van Yeshua en droog Sy voete met haar hare af. Die hele huis is gevul
met die reuk van die geurige olie.
4 Y’hudah, van K’riot, een van Sy studentevolgelinge, wat op die punt was om Hom
oor te gee, vra:
5 “Waarom is hierdie welriekende olie nie vir drie honderd denarii verkoop en die
geld aan die armes gegee nie?”
6 Dit het hy gesê, nie omdat hy vir die armes omgegee het nie, maar omdat hy ‘n dief
was en die beursie gehou het en dit wat ingegooi is, gedra het.
7 Yeshua sê: “Los haar, sy het dit bewaar vir die dag van my begrafnis,
8 want die armes het julle altyd tussen julle, Deut 5:11 maar vir My het julle nie altyd nie.”
9 Baie mense uit Y’hudah het gehoor dat Hy daar is en het gekom, nie alleen om vir
Yeshua te sien nie, maar ook vir El’azar, wat Hy uit die dood uit opgewek het.
10 Die hoofpriesters het besluit om El’azar ook dood te maak,
11 omdat baie van die Jode as gevolg van hom weggedraai het en meer in Yeshua
vertrou het.
12 Die volgende dag het baie feesgangers, toe hulle hoor dat Yeshua na Yerushalayim
kom,
13 palmtakke gevat en uitgegaan om Hom te ontmoet en uitgeroep: Ps 118:25 “Red ons
nou! Geseënd is Hy wat kom in die Outoriteit en Karakter van , die Koning van
”Ps 118:26
Yisra’el.
14 Yeshua het ‘n donkie gekry en daarop gaan sit, soos geskrywe is:
15 “Moenie bang wees nie, dogter van Tziyon! Let op! Jou Koning kom na jou toe en
Z’kh 9:9
Hy ry op die vul van ‘n donkie.”
16 Sy studentevolgelinge het hierdie dinge eers nie verstaan nie, maar nadat Yeshua
vereer is, het hulle onthou dat hierdie dinge van Hom geskrywe is en dat hulle dit
aan Hom sou doen.
17 Toe het die mense, wat by Hom was toe Hy El’azar uit die graf geroep en hom uit
die dood uit opgewek het, daarvan getuig.
164