Nuwe Verbond.indd - Aramaic Peshitta Bible Repository

Luka
22 Hy sê vir hulle: “Die Seun van die mens gaan baie ly en verwerp word deur die
oudstes en hoofpriesters en leraars van die wet, hulle sal Hom vermoor en op die
derde dag sal Hy opstaan.”
23 Hy sê voor almal: “Wie ookal agter My aan wil kom, moet homself ontken en sy
kruis elke dag opneem en My volg,
24 want wie sy lewe wil red, sal dit vernietig, maar hy wie se lewe om My ontwil
vernietig word, hy sal dit red,
25 want watter voordeel is dit vir ‘n mens as hy die hele wêreld kry, maar sy lewe
vernietig of verloor?
26 Wie ookal hom skaam vir My en My boodskap, vir hom sal die Seun van die mens
Hom skaam wanneer Hy in die Gemanifesteerde Teenwoordigheid van Sy Vader en
van die afgesonderde engele kom.
27 Ek sê vir julle in waarheid: Daar is sommige van die wat hier staan, wat die dood
sekerlik nie sal smaak, voordat hulle die Koninkryk van God gesien het nie.”
28 Dit het gebeur omtrent agt dae ná hierdie boodskap, dat Hy vir Kefa, Yoganan en
Ya’akov saamgeneem het teen ‘n berg op om te bid
29 en terwyl Hy in gebed was, het die voorkoms van Sy gesig verander en Sy klere
het glansend wit geword.
30 Let op, twee manne het met Hom gepraat, hulle was Moshe en Eliyahu.
31 Hulle het in die Gemanifesteerde Teenwoordigheid verskyn en van Sy weggaan,
wat in Yerushalayim vervul sou word, gepraat,
32 maar Kefa en die wat saam met hom was, was deur die slaap en het met moeite
wakker geword en Sy Gemanifesteerde Teenwoordigheid gesien en die twee manne
wat by Hom staan.
33 Terwyl hulle van Hom weggaan, sê Shim’on vir Yeshua: “Leermeester, dit is goed
dat ons hier is; laat ons dan drie tente maak, een vir U, vir Moshe een en een vir
Eliyahu.” Hy het nie geweet wat hy sê nie.
34 Nadat hy dit gesê het, kom daar ‘n wolk en vorm ‘n tent rondom hulle; en hulle het
bang geword toe hulle Moshe en Eliyahu in die wolk sien ingaan;
35 en daar kom ‘n stem uit die wolk wat sê: “Dit is My Seun waarvoor Ek lief is;
luister na Hom!”
36 Na die stem, was Yeshua alleen en hulle het stilgebly en aan niemand in daardie
dae enige iets vertel van wat hulle gesien het nie.
37 Dit het gebeur dat toe hulle die volgende dag van die berg afkom, ‘n groot skare
mense Hom ontmoet.
38 ‘n Man roep vanuit die mense en sê: “Leermeester, ek smeek U, herstel my seun
tot my, want hy is my enigste.
39 ‘n Gees kom skielik oor hom en hy gil onverwags en kners op sy tande en hy word
siek en hy gaan moeilik van hom weg wanneer hy hom aanval;
40 en ek het U studentevolgelinge gesmeek om hom uit te dryf en hulle kon nie.”
41 Yeshua antwoord en sê: “O! Korrupte geslag sonder vertroue, hoe lank sal Ek by
julle wees en julle verdra? Bring jou seun hier.”
42 Toe hy naderkom aan Hom, gooi die demoon hom neer en laat hom inmekaartrek en
Yeshua het die vuil gees bestraf, die seun genees en hom aan sy vader teruggegee.
107