Nuwe Verbond.indd - Aramaic Peshitta Bible Repository

5 en daar het weerligte, donderslae en stemme vanuit die troon uitgegaan en sewe
brandende lampe voor dit, wat die sewe Geeste van God is.
6 Voor die troon was daar ‘n see van glas wat soos kristal gelyk het en in die middel,
rondom die troon, was daar vier wesens vol oë van voor en van agter.
7 Die eerste wese was soos ‘n leeu, die tweede wese het gelyk soos ‘n kalf, die derde
wese het ‘n gesig gehad soos van ‘n mens en die vierde wese het gelyk soos ‘n arend
wat vlieg.
Yeg 1:5-
8 Die vier wesens het gestaan en elkeen het ses vlerke aangeheg gehad, Yes 6:2 wat
rondom en van binne vol oë was en hulle het dag en nag nie stil gebly nie en gesê:
“Afgesonderd, Afgesonderd, Afgesonderd is God wat alles vashou; Hy wat is
en wat was en wat kom!”
Eks 3:14
9 Wanneer die wesens eer, lof, aanbidding, waarde en aanvaarding van onverdiende
guns gee aan Hom wat op die troon sit, wat vir tydlose ewigheid lewe, dit is waar,
10 val die vier en twintig oudstes neer voor Hom wat op die troon sit en aanbid die
Lewende Een tot in tydlose ewigheid. Dit is waar. Hulle gooi hulle krone voor die
troon terwyl hulle sê:
11 “U is waardig, ons Meester en ons God, om die eer, lof, aanbidding en die krag
te ontvang, want U het alles geskep en vir U plesier bestaan hulle en is hulle
geskep.”
5 1 Ek het aan die regterkant van Hom wat op die troon sit, ‘n boekrol gesien, met
binne en buite op geskryf en met sewe seëls verseël;
2 en ek het ‘n ander kragtige engel gesien, wat met ‘n harde stem verkondig: “Wie is
waardig om die boekrol oop te maak en sy seëls los te breek?”
3 Niemand in die hemel of op die aarde of onder die aarde was in staat om die boekrol
of sy seëls oop te maak, of daarin te kyk nie
4 en ek het baie gehuil, omdat daar niemand waardig gevind is om die boekrol oop te
maak of sy seëls los te breek nie.
5 Een van die oudstes sê vir my: “Moenie huil nie. Let op! Die Leeu vanuit die stam
van Y’hudah, Gen 49:9-10 die wortel van Dawid, Yes 11:1-10 het volhardend oorwin, om die
boekrol en sy sewe seëls oop te maak.”
Yes 9:5-6
Openbaring
6 Ek het gesien, let op! Tussen die troon, die vier wesens en die oudstes, staan daar ‘n
Lam asof Hy geslag is, Yes 53:7-8 met sewe horings Z’kh 4:2+10 en sewe oë, wat die sewe
Geeste van God is, wat uitgestuur is oor die hele aarde,
7 en Hy het gekom en die boekrol gevat uit die hand van Hom wat op die troon sit;
8 en toe Hy die boekrol ontvang het, val die vier wesens en die vier en twintig
ouderlinge voor die Lam neer, elkeen met ‘n snaar instrument en ‘n goue bak vol
soet speserye, wat die gebede van die afgesonderdes is.
9 Hulle het ‘n nuwe lofprysingslied gesing Ps 33:3; 98:1 en gesê: “U is waardig om die
boekrol te vat en sy seëls los te maak, want U is doodgemaak en het ons vanuit elke
stam, volk en nasie, met U bloed, vir God losgekoop,
10 en U het hulle, vir ons God se Koninkryk, priesters en konings gemaak en hulle sal
Eks 19:6; Yes 61:6
oor die aarde heers.”
401