Nuwe Verbond.indd - Aramaic Peshitta Bible Repository

Mattityahu
3 Ook toe Hy op die Olyfberg gaan sit het, kom die studentevolgelinge alleen na Hom
toe en sê: “Vertel vir ons, wanneer sal hierdie dinge wees en wat is die teken van U
koms en van die einde van die wêreld?”
4 Yeshua antwoord en sê vir hulle: “Pas op dat niemand julle mislei nie,
5 want baie sal in My Naam kom en sê: ‘Ek Is , Die Gesalfde Een,’ en hulle sal
baie mislei.
6 Julle sal hoor van oorloë en van verslae van oorloë. Onderskei, moenie bang word
nie, want dit is nodig vir al daardie dinge om te gebeur, maar dit is nog nie heeltemal
die einde nie,
7 want nasie sal teen nasie opstaan en koninkryk teen koninkryk en daar sal hongersnode
wees en plae en aardbewings op verskillende plekke,
8 maar al hierdie dinge is die begin van smarte.
9 Dan sal hulle julle oorgee om te ly en julle doodmaak en julle sal onder al die nasies
gehaat word ter wille van My Outoriteit en Karakter
10 en dan sal baie omgekeer word en hulle sal mekaar verraai en mekaar haat.
11 Baie vals profete sal opstaan en baie mense mislei
12 en deur die oorvloed van boosheid, sal die liefde van baie afkoel,
13 maar wie vasstaan tot die einde toe, hy sal die lewe hê.
14 Hierdie goeie boodskap van die Koninkryk, sal verkondig word in die hele wêreld
tot getuienis vir al die nasies; en dan sal die einde kom.
15 Wanneer julle dan die teken van die gruwel van die vernietiging, waarvan gepraat
is deur die profeet Dani’el, Dan 9:27;11:31 sien staan in die plek wat afgesonder is, moet
die leser verstaan,
16 dan moet dié wat in Y’hudah is, vlug na die berge;
17 wie op die dak is, moenie afkom om iets uit sy huis te vat nie
18 en wie in die veld is, moenie terugdraai om sy klere te vat nie.
19 Wee die vroue wat swanger is en die wat nog borsvoed in daardie dae,
20 maar bid dat julle ontvlugting nie in die winter of op die Shabbat sal wees nie,
21 want daar sal dan groot lyding wees soos daar van die begin van die aarde af tot
Yo’ 2:2 ; Dan 12:1
nou toe nie was nie en ook nie sal wees nie.
22 As daardie dae nie verkort sou word nie, sou geen liggaam gered word nie, maar
ter wille van die wat gekies is, sal daardie dae verkort word.
23 Wanneer iemand dán vir julle sê: ‘Let op, hier is Die Gesalfde Een!’ of, ‘Daar!’
moet dit nie glo nie,
24 want daar sal vals gesalfdes en profete van leuens opstaan en hulle sal groot tekens
gee om, as dit moontlik was, ook die wat gekies is te mislei.
25 Let op! Ek sê dit vir julle vooruit.
26 As hulle dan vir julle sê: ‘Kyk, Hy is in die wildernis,’ moenie gaan nie; of let op,
‘Hy is in ‘n geheime kamer;’ moet dit nie glo nie,
27 want net soos die weerlig uitslaan in die ooste en tot in die weste sigbaar is, so sal
ook die koms van die Seun van die mens wees.
28 Waar die karkas ookal lê, daar sal die aasvoëls versamel
42