Nuwe Verbond.indd - Aramaic Peshitta Bible Repository

1 Korinthiërs
21 Aangesien God deur Sy wysheid bepaal het dat die wêreld deur sy eie wysheid,
God nie sal ken nie, het God dit goedgedink om deur die dwaasheid van die
verkondiging, aan die wat vertrou, lewe te gee.
22 Omdat die Jode ‘n teken vra en die Arameërs wysheid soek,
23 verkondig ons Die Gesalfde Een wat gekruisig is, ‘n verleentheid vir die Jode en
dwaasheid vir die Arameërs,
24 maar vir die wat geroep is, Jode sowel as Arameërs, is Hy Die Gesalfde Een, die
krag en wysheid van God,
25 want wat dwaas is by God, is wyser as die mens en wat swak is by God, is sterker
as die mens.
26 Kyk na julle eie roeping, my broers: Nie baie onder julle is wys na die vlees nie; nie
baie onder julle is sterk nie; nie baie onder julle is uit ‘n hoë familie nie,
27 maar wat dwaas is by die wêreld, het God gekies om die wyse te beskaam en wat
swak is by die wêreld, het God gekies om die wat sterk is, te beskaam
28 en wat van ‘n lae stand is by die wêreld en verag is, het God gekies; en wat niks is
nie, om wat iets is, waardeloos te maak
29 sodat niemand voor Hom sou roem nie.
30 Vanuit Hom is julle in eenheid met Die Gesalfde Een, Yeshua, wat vir ons
geword het: Die Wysheid van God, Onpartydigheid, Opregtheid, Afsondering en
Verlossing,
Yir 9:22-23, Ps 34:3
31 sodat, net soos geskrywe is: “Die wat roem, moet in roem.”
2 1 Ek, toe ek by julle gekom het, my broers, het nie aan julle die geheimenis van
God kom verkondig met ‘n verhewe boodskap of geleerdheid nie,
2 want ek het besluit om niks anders onder julle te ken nie as Yeshua, Die Gesalfde
Een, en Hom as gekruisigde.
3 Ek het ook in baie vrees en in bewing by julle gekom
4 en my boodskap en my verkondiging was nie in oorredende woorde van wysheid
nie, maar in die demonstrasie van die Gees en wonderwerkende krag
5 sodat julle vertroue nie in wysheid van mense sou wees nie, maar in die krag van
God.
6 Ons praat wysheid onder die volwassenes, maar ‘n wysheid nie van hierdie wêreld,
of van hierdie wêreld se outoriteite, wat vergaan nie,
7 maar ons praat die geheime wysheid van God, wat weggesteek was en wat God
van voor die ontstaan van die aarde af beplan het, om ons in die gemanifesteerde
Teenwoordigheid te bring,
8 wat niemand van die heersers van hierdie wêreld geken het nie, want as hulle dit
geken het, sou hulle die Meester van die Gemanifesteerde Teenwoordigheid nie
gekruisig het nie,
9 maar soos geskrywe is: “Die oog het nie gesien en die oor het nie gehoor en dit het
nie in die gedagtes van ‘n mens opgekom, dít wat God voorberei het vir dié wat
Yes 64:3, 52:15
Hom liefhet nie.”
10 God het dit aan ons deur Sy Gees openbaar, want die Gees ondersoek alle dinge,
ook die diepste van God,
257