Nuwe Verbond.indd - Aramaic Peshitta Bible Repository

1 Yoganan
1 1 Ons het aan julle die goeie boodskap verkondig van Hom wat van die begin af
was, Hom Wie ons gehoor het, Wie ons met ons oë gesien en ervaar het en met ons
hande aangeraak het; Hy wat die Boodskap van Lewe is.
2 Die Lewe is geopenbaar en ons het gesien, ons getuig van en verkondig aan julle die
Ewige Lewe wat by die Vader was en aan ons openbaar is.
3 Wie ons gesien en gehoor het, openbaar ons ook aan julle sodat julle ook gemeenskap
met ons kan hê en ons gemeenskap is met die Vader en met Sy Seun, Yeshua, Die
Gesalfde Een
4 en ons skryf hierdie dinge aan julle sodat ons blydskap, wat in julle is, volmaak kan
wees.
5 Dít is die goeie boodskap wat ons van Hom gehoor het en aan julle verkondig: God
is Lig en daar is absoluut geen duisternis in Hom nie.
6 As ons sê dat ons met Hom gemeenskap het en ons loop in duisternis, dan lieg ons
en is ons nie in die waarheid ingelig nie,
7 maar as ons in die Lig loop soos Hy in die Lig is, dan het ons gemeenskap met mekaar
en die bloed van Yeshua, Sy Seun, Yes 1:16-17; Mal 3:2-4 reinig ons van al ons sondes.
8 As ons sou sê dat ons geen sonde het nie, mislei ons onsself en die Waarheid is nie
Ps 19:13-14; 139:23-24
in ons nie.
9 As ons ons sondes erken en laat staan, Hy is vertrouenswaardig en regverdig om ons
ons sondes te vergewe en Hy sal ons van alle boosheid reinig.
10 As ons sê dat ons nie gesondig het nie, dan maak ons Hom tot leuenaar en is Sy
boodskap nie by ons nie.
2 1 Kinders, ek skryf hierdie dinge aan julle sodat julle nie moet sondig nie; en as
iemand sondig, is daar vir ons die Verlosser van die vloek, Yeshua, Die Gesalfde
Een, die Onskuldige, by die Vader,
2 want Hy is die Vryspraak en Toedekking vir ons sondes en nie alleen vir ons s’n nie,
maar ook vir dié van die hele wêreld.
3 Hieraan weet ons dat ons Hom ken, as ons Sy opdragte uitvoer.
4 Hy wat sê: ‘Ek ken Hom,’ en Sy opdragte nie uitvoer nie, is ‘n leuenaar en die
waarheid is nie in hom nie,
5 maar wie ookal Sy boodskap voortdurend uitvoer, in hom het die liefde van God
waarlik volmaak geword, want hieraan weet ons dat ons in Hom is:
6 Hy wat sê dat hy voortdurend in Hom bly, vir hom is dit nodig om so te leef soos
wat Hy geleef het.
7 Julle vir wie ons lief is, dit is geen nuwe opdrag wat ek aan julle skryf nie, maar ‘n
ou opdrag, wat julle van die begin af gehad het. Die ou opdrag is die boodskap wat
Lev 19:18
julle gehoor het
8 en tog skryf ek aan julle ‘n nuwe opdrag, wat waar is in Hom en in julle, dat die
duisternis verby is en die waaragtige Lig begin skyn.
9 Daarom, wie ookal sê dat hy in die Lig is, terwyl hy sy broer haat, is steeds in die
duisternis.
10 Wie sy broer voortdurend liefhet, bly in die Lig en daar is geen oortreding in hom
nie,
383