Nuwe Verbond.indd - Aramaic Peshitta Bible Repository

1 Yoganan
18 Daar is geen vrees in die liefde nie, maar die volmaakte liefde gooi die vrees
buitekant weg, want die vrees is in suspisie en hy wat nie vrees nie, is ontwikkeld
in liefde.
19 Ons moet God daarom liefhê, omdat Hy ons eerste liefgehad het.
20 As iemand sê: ‘Ek het God lief’ en sy broer haat, is hy ‘n leuenaar, want wie sy
broer, wat hy kan sien, nie liefhet nie, hoe kan hy God liefhê, wat hy nie kan sien
nie?
21 Hierdie opdrag het ons van Hom ontvang; dat elkeen wat God liefhet, ook sy broer
moet liefhê.
5 1 Elkeen wat vertrou dat Yeshua Die Gesalfde Een is, is uit God gebore en elkeen
wat die ouer lief het, het ook dié een lief wat uit hom gebore is.
2 Hieraan weet ons dat ons die kinders van God liefhet: wanneer ons God liefhet en
Sy opdragte uitvoer,
3 want dit is die liefde vir God, dat ons Sy opdragte uitvoer en Sy opdragte is nie ‘n
las nie,
4 want elkeen wat uit God gebore is, oorwin vir homself die wêreld en dit is die
oorwinning wat die wêreld oorwin, ons vertroue.
5 Wie anders is dit wat die wêreld vir homself oorwin, as dit nie hy is wat vertrou dat
Yeshua die Seun van God is nie?
6 Dit is Hy wat deur water en bloed gekom het, Yeshua Die Gesalfde Een; nie deur
water alleen nie, maar deur water en bloed;
7 en dit is die Gees wat getuig, want die Gees is die Waarheid.
8 Daar is drie wat getuig: Die Gees, die water en die bloed en die drie is in eenheid.
9 As ons die getuienis van ‘n mens aanvaar, hoeveel groter is die getuienis van God?
Hierdie is die getuienis van God wat Hy aangaande Sy Seun getuig.
10 Elkeen wat aanhou vertrou in die Seun van God, het hierdie getuienis in homself.
Elkeen wat God nie aanhou vertrou nie, maak Hom tot leuenaar, omdat hy die
getuienis nie vertrou wat God aangaande Sy Seun getuig nie.
11 Dit is die getuienis: Dat God ons die ewige lewe gegee het en dié Lewe is in Sy
Seun.
12 Hy wat vashou aan die Seun, hou vas aan die Lewe en elkeen wat nie die Seun van
God vashou nie, het nie die Lewe nie.
13 Hierdie dinge het ek aan julle geskryf sodat julle kan weet dat julle die ewige lewe
het; dié wat aanhou vertrou in die Outoriteit en Karakter van die Seun van God.
14 Dit is ons versekering teenoor Hom, dat wat ons ookal, volgens Sy wil vra, Hy
ons hoor
15 en as ons oortuig is dat Hy ons hoor aangaande alles wat ons van Hom vra, dan
vertrou ons dat ons nou reeds die objek van ons begeertes ontvang wat ons van Hom
gevra het.
16 As iemand sy broer ‘n sonde sien doen wat nie ‘n straf tot die dood toe het nie, moet
hy vra en vir hom sal Lewe gegee word, vir die wat nie tot die dood toe sondig nie.
Daar is sonde van dood; daarvoor sê ek nie dat hy moet bid nie.
17 Alle boosheid is sonde en daar is ‘n sonde wat nie van die dood is nie.
387