Nuwe Verbond.indd - Aramaic Peshitta Bible Repository

3 Yoganan
1 1 Die oudste: Liewe Gaios, wat ek in waarheid liefhet.
2 Wie ons liefhet, ek bid dat dit met jou in alles voorspoedig mag gaan en dat jy
gesond is, net soos dit met jou gees voorspoedig gaan,
3 want ek was baie bly toe daar broers kom en van jou vertrouenswaardigheid getuig,
net soos jy voortdurend in die waarheid leef.
4 Niks gee my groter blydskap as dit nie, dat ek hoor dat my kinders in die waarheid
leef.
5 Jy wie ons liefhet, jy doen alles wat jy doen vir die broers in vertroue en spesiaal vir
die wat vreemdelinge is,
6 aan wie jy goed gedoen het en vir hulle, waardig voor God, voorsien het, wat van
jou liefde voor die hele gemeente getuig het,
7 want hulle het vir HaShem (Die Naam) uitgegaan sonder om iets van die ongelowiges
te neem.
8 Ons is dit daarom verskuldig om sulke mense te ontvang sodat ons medewerkers van
die waarheid kan wees.
9 Ek wou aan die vergadering skryf, maar Diotrefes, wat onder hulle die belangrikste
wil wees, het ons nie ontvang nie.
10 As gevolg hiervan, sal ek, as ek sou kom, die dade onthou wat hy gedoen het,
deur met bose woorde sleg te praat van ons en asof dit nie genoeg is nie, het hy nie
hierdie broers ontvang nie en verbied ook dié wat dit wil doen en gooi hulle uit die
gemeente uit.
11 Jy vir wie ons lief is, moenie navolg wat boos is nie, maar wat goed is. Hy wat goed
doen, is vanuit God, maar hy wat die bose doen, het God nie gesien nie.
12 Aangaande Demetrios: Hy het ‘n getuienis by almal, by die gemeente en vanaf die
Waarheid self. Ons getuig ook van hom en julle weet dat ons getuienis waar is.
13 Ek het baie dinge gehad om vir jou te skryf, maar ek wil nie met ink en rietpen vir
jou skryf nie,
14 maar ek hoop om jou gou te sien en persoonlik te praat.
15 Vrede, gesondheid, voorspoed en vergenoegdheid vir jou! Die vriende groet jou.
Groet die vriende elkeen by die naam.
392